స్టైలిష్ స్టార్ అల్లు అర్జున్ మరో అరుదైన గౌరవం అందుకున్నాడు. ఇప్పటి వరకు తెలుగు సినిమా ఇండస్ట్రీలో కేవలం ఇద్దరు హీరోలు మాత్రమే ఈ గౌవరం దక్కించుకున్నారు. తాజాగా లండన్‌లోని ప్రతిష్టాత్మక ‘మేడమ్‌ టుస్సాడ్స్‌ మ్యూజియం’లో ఐకాన్ స్టార్ అల్లు అర్జున్ మైనపు విగ్రహాన్ని ఏర్పాటు చేయనున్నట్లు సమాచారం. దీనికి సంబంధించి అధికారిక సమాచారం రావాల్సి ఉంది. ఈ వార్త తెలిసిన బన్నీ ఫ్యాన్స్ తెగ సంబురపడిపోతున్నారు.
అయితే మైనపు విగ్రహాన్ని తయారుచేసేందుకు కావాల్సిన కొలతలను ఇచ్చేందుకు త్వరలోనే బన్నీ లండన్ వెళ్లనున్నాడట. ఒకవేళ ఇది వాస్తవమైతే ఈ ఘనత సాధించిన మూడో దక్షిణాది నటుడిగా అల్లు అర్జున్ నిలుస్తాడు. ఇప్పటికే పాన్ ఇండియా స్టార్ డార్లింగ్ ప్రభాస్‌, సూపర్స్టార్ మహేశ్‌బాబు మైనపు విగ్రహాలను మేడమ్‌ టుస్సాడ్స్‌లో మ్యూజియంలో ఏర్పాటు చేసిన విషయం తెలిసిందే.
ఇక అల్లు అర్జున్ సినిమాల విషయానికొస్తే.. ప్రస్తుతం దర్శకుడు సుకుమార్‌తో కలిసి ‘పుష్ప: ది రూల్‌’లో నటిస్తున్నాడు. ఇది ‘పుష్ప: ది రైజ్‌’కి సీక్వెల్. వీరిద్దరి కాంబినేషన్లో ప్యాన్ ఇండియా లెవెల్లో రిలీజ్ అయిన ఈ సినిమా ఎంతటి బ్లాక్బస్టర్ హిట్ సాధించిందో తెలిసిందే.
