మహేశ్ బాబు హీరోగా.. త్రివిక్రమ్ దర్శకత్వంలో తెరకెక్కుతున్న గుంటూరు కారం మూవీ టీమ్కు షాక్ తగిలింది. ఈ సినిమాలో ఓ సాంగ్ను రిలీజ్ చేయాలని టీమ్ చాలా ఈగర్గా వెయిట్ చేస్తోంది. ఆ పాట కోసం ప్రేక్షకులు కూడా చాలా ఆసక్తిగా ఎదురుచూస్తున్నారు. ఇంతలోనే లీక్ అవ్వడం ఇప్పుడు ఆ టీమ్ను షాక్లోకి నెట్టేసింది. తమన్ కంపోజ్ చేసిన ఈ పాటకు సంబంధించి ఓ ఆడియో క్లిప్ నెట్టింట్లో వైరల్ అవుతోంది.
‘ఎదురొచ్చేగాలి..ఎగరేస్తున్నా చొక్కాపై గుండీ..’ అంటూ ఈ పాటలో ఊరమాస్ పదాలు ఉన్నాయి. ఇది జస్ట్ ట్రాక్ బీట్ మాత్రమేనని నెట్టింట్లో చర్చ జరుగుతోంది. ఫుల్ క్వాలిటీ వెర్షన్ సాంగ్ కాదని నెటిజన్లు అంటున్నారు. మరోవైపు అయ్యో పాపం తమన్, అయ్యో దేవుడా.. తమన్కే ఎందుకిలా జరుగుతోంది అంటూ నెటిజన్లు కామెంట్స్ చేస్తున్నారు.
ఇటీవలే రామ్ చరణ్ గేమ్ ఛేంజర్ సాంగ్ లీక్ అయిన విషయం తెలిసిందే. అలా జరిగిన తర్వాత తమన్ ఎన్నో జాగ్రత్తలు తీసుకున్నా.. గుంటూరు కారం లీక్ను ఆపలేకపోయారు. టాలీవుడ్ను లీకులు కుదిపేస్తున్నాయంటూ ఇటు ఇండస్ట్రీ ప్రముఖులు.. అటు ప్రేక్షకులు ఆందోళన వ్యక్తం చేస్తున్నారు.
