జాంబిరెడ్డి కాంబో డైరెక్టర్ ప్రశాంత్ వర్మ.. హీరో తేజ సజ్జ నుండి రాబోతున్న సరికొత్త చిత్రం హనుమాన్.. గత మూడు వారాల క్రితం ఈ సినిమా టీజర్ ను పాన్ ఇండియా భాషల్లో విడుదల చేయగా.. ఈ టీజర్ సృష్టించిన సెన్సేషన్ అద్భుతమని చెప్పాలి. ముఖ్యంగా మైమరిపించే విజువల్స్.. స్ట్రాంగ్ కంటెంట్.. ఆకట్టుకునే బిజీఎం లతో హనుమాన్ టీజర్ ప్రేక్షకుల విశేష ఆదరణ పొందింది. ఈ నేపథ్యంలోని యూట్యూబ్లో మిలియన్ల కొద్ది వ్యూస్ ను రాబడుతున్న హనుమాన్ టీజర్ తాజాగా 60 మిలియన్ వ్యూస్ మార్క్ అందుకోవడం గమనార్హం.
అయితే ఈ సినిమాలో తేజ సజ్జ హీరోగా, అమృత అయ్యర్ హీరోయిన్గా నటిస్తున్నారు. వీరితోపాటు వినయ్ రాయ్, వరలక్ష్మి శరత్ కుమార్ కూడా కీలక పాత్రలు పోషిస్తున్నారు. ప్రైమ్ షో ఎంటర్టైన్మెంట్ బ్యానర్ పై కే నిరంజన్ రెడ్డి నిర్మిస్తున్న ఈ సినిమాను చాలా ప్రతిష్టాత్మకంగా తెరకెక్కించబోతున్నట్లు సమాచారం ఇకపోతే వీరు పాన్ ఇండియా మూవీ ఆది పురుష్ ని టార్గెట్ పెట్టుకున్నట్లుగా తెలుస్తోంది. వందల కోట్ల బడ్జెట్ తో తెరకెక్కుతున్న ఆది పురుష్ సినిమా నుంచి టీజర్ విడుదల అవ్వగా పూర్తిస్థాయిలో విమర్శల పాలయ్యింది. అదే సమయంలో యంగ్ హీరో తేజ నటిస్తున్న హనుమాన్ సినిమా నుంచి టీజర్ రావడం తో ప్రతి ఒక్కరూ ఈ సినిమాకే ఓటేస్తున్నారు.
ఆది పురుష్ సినిమాలో పాత్రలను చూపించే విధానం చాలా చెత్తగా ఉందని చాలామంది విమర్శిస్తున్నారు. ఈ క్రమంలోని హనుమాన్ టీజర్ ని చూసి ఆది పురుష్ లో కూడా మార్పులు చేస్తున్నారు అని సమాచారం. ఏదిఏమైనా యంగ్ హీరో తేజ ఈసారి పాన్ ఇండియాతో గట్టిగా పోటీ పడిపోతున్నట్లు సమాచారం.
