తమిళ్ స్టార్ హీరో దళపతి విజయ్ హీరోగా లోకేశ్ కనగరాజ్ దర్శకత్వంలో రీసెంట్గా తెరకెక్కిన సినిమా లియో. అక్టోబర్‌ 19న ప్రేక్షకుల ముందుకు ఈ సినిమా రానున్న నేపథ్యంలో చిత్ర బృందం ప్రచారం ముమ్మరం చేసింది. ఈ నేపథ్యంలోనే ఓ ఇంటర్వ్యూలో పాల్గొన్న డైరెక్టర్ లోకేశ్ కనగరాజ్ లియో సినిమా గురించి ఓ ఆసక్తికర విషయం చెప్పారు. అలాగే ఈ చిత్రం చూడాలనుకుంటున్న ప్రేక్షకులకు ఓ విజ్ఞప్తి చేశారు. అదేంటంటే..?
“‘లియో’ మొదటి నుంచి చివరి వరకూ అలరిస్తుంది. కానీ మొదటి 10 నిమిషాలు అసలు మిస్‌ కావ్వొద్దు. సినిమాలో ఆ పది నిమిషాలు ఎంతో ప్రత్యేకం. లియో’ కోసం వేయి కంటే ఎక్కువ మంది పనిచేశారు. సంవత్సరం నుంచి వాళ్లు నిరంతరం కష్టపడ్డారు. అద్భుతమైన అవుట్‌పుట్‌ వచ్చింది. ఎప్పుడూ చూడని సినిమాటిక్‌ అనుభవాన్ని ‘లియో’లో ఎంజాయ్‌ చేయండి.” అని లోకేశ్ కనగరాజ్ చెప్పుకొచ్చారు. ఇక ఈ సినిమాలో విజయ్ సరసన త్రిష నటిస్తున్న విషయం తెలిసిందే. ఇప్పటికే ట్రైలర్, పాటల రిలీజ్తో ఇప్పటికే ఈ సినిమాపై భారీ అంచనాలు నెలకొన్నాయి.
