ఆదిపురుష్ సినిమా చూసిన హనుమంతుడు…వీడియో వైరల్

ఆదిపురుష్ సినిమా ప్రదర్శించే థియేటర్లలో హనుమంతుడి కోసం ఒక సీటును కేటాయిస్తున్న విషయం తెలిసిందే. హనుమంతుడు వచ్చి సినిమా చూస్తాడు అనే నమ్మకంతో ఇలా ఒక సీటు విక్రయించకుండా వదిలేయాలని నిర్ణయించారు. అయితే ఈ సినిమా ప్రదర్శిస్తున్న ఓ థియేటర్లోకి ఓ వానరం వచ్చింది. కాసేపు స్క్రీన్ వైపు చూసి వెళ్ళిపోయింది.

దీంతో హనుమంతుడు వచ్చి సినిమా చూశాడంటూ ప్రేక్షకులు జైశ్రీరామ్ అని నినాదాలు చేశారు. కాగా, నేపాల్ లో ఆదిపురుష్ సినిమాపై వివాదం తలెత్తింది. సీత భారత్ లో జన్మించినట్లు చూపడంపై ఆ దేశ సెన్సార్ బోర్డు అభ్యంతరం తెలిపింది. సీత నేపాల్ లో జన్మించారని, దీనిని సవరించకుంటే విడుదలకు అనుమతినివ్వమని స్పష్టం చేసింది. అటు ఈ డైలాగ్ తీసేయకుంటే భారత సినిమాలు నిలిపేస్తామని పలువురు నేపాల్ నేతలు మండిపడ్డారు. దీంతో డైలాగ్ తొలగించడంతో అక్కడ రిలీజ్ కు లైన్ క్లియర్ అయింది. కానీ మార్నింగ్ షోలు నిలిపివేసినట్లు సమాచారం.