శ్రీశైలం మల్లన్నసేవలో నాగచైతన్య-శోభిత దంపతులు

శ్రీశైలం మల్లన్నసేవలో నాగచైతన్య-శోభిత దంపతులు మెరిసారు. తాజాగా పెళ్లి చేసుకున్న నాగచైతన్య-శోభిత దంపతులు గుళ్ల చుట్టూ తిరుగుతున్నారు. నంద్యాల జిల్లా శ్రీశైలం మల్లన్నసేవలో తెలుగు సినీ నటుడు అక్కినేని నాగార్జున కుటుంబం ప్రత్యక్షమైంది. తెలుగు సినీ నటుడు అక్కినేని నాగార్జున తో పాటు తనయుడు నాగచైతన్య శోభిత దంపతులు శ్రీశైలం మల్లన్నసేవలో పాల్గొన్నారు.

ఈ సందర్భంగా నాగచైతన్య-శోభిత దంపతులకు ఆలయ మర్యాదలతో స్వాగతం పలికారు అర్చకులు, అధికారులు. అనంతరం శ్రీస్వామి అమ్మవారిని దర్శించుకుని ప్రత్యేక పూజలు నిర్వహించారు నాగార్జున, నాగచైతన్య శోభిత దంపతు లు. కాగా డిసెంబర్‌ 4వ తేదీన నాగచైతన్య-శోభిత దంపతులు ఒక్కటైన సంగతి తెలిసిందే. నూతన దంపతులు నాగచైతన్య శోభితలది ప్రేమ వివాహం అని సమాచారం.