అక్కినేని హీరో నాగార్జున పుట్టిన రోజు ఇవాళ. సోషల్ మీడియా మొత్తం హ్యాపీ బర్త్ డే నాగ్ అంటూ హోరెత్తిపోతోంది. సినీ ప్రముఖుల నుంచి అభిమానుల వరకు అందరూ నెట్టింట నాగ్కు బర్త్ డే విషెస్ తెలియజేస్తున్నారు. అయితే గత కొంతకాలం నుంచి నాగార్జున కొత్త సినిమా ఊసే లేదు. మొదట్లో రైటర్ ప్రసన్నకు డైరెక్షన్ ఆఫర్ ఇచ్చి అతడి దర్శకత్వంలో సినిమా చేస్తారనే టాక్ వినిపించింది. కానీ ఎట్టకేలకు నాగ్ మరో కొత్త డైరెక్టర్తో తన సినిమా ప్రకటించేశాడు.
తాజాగా నాగార్జున పుట్టిన రోజు సందర్భంగా కొత్త సినిమా ప్రకటించారు. ‘నా సామిరంగ’ అనే టైటిల్ను ఖరారు చేస్తూ.. మూవీ ఫస్ట్ లుక్ టైటిల్ గ్లింప్స్ను రిలీజ్ చేశారు. ఈ ప్రచార చిత్రం ఆద్యంతం పవర్ఫుల్గా ఉంది. నాగార్జున స్టైల్గా బీడీ కాల్చుకోవడం, లుంగీ మాస్ లుక్ అదిరింది. ‘జాతర జాతర’ అంటూ వచ్చే బ్యాక్గ్రౌండ్ మ్యూజిక్ అదిరింది. ‘ఈ సారి పండక్కి నా సామిరంగ.. కింగ్ మాస్ జాతర మొదలు..’ అంటూ వచ్చే ఏడాది సంక్రాంతి బరిలో పోటీగా దిగబోతున్నట్లు తెలిపారు.
