టాలీవుడ్ యంగ్ హీరో నితిన్ కెరీర్ ప్రారంభంలో వరుస హిట్స్ కొట్టి ఇటీవల మాత్రం కాస్త స్లో అయ్యాడనే చెప్పాలి. త్వరలోనే రాబిన్ హుడ్ మూవీతో రాబోతున్నాడు. ఇక ఆ తరువాత మరో ఆసక్తికరమైన మూవీతో రాబోతున్నాడు. పవన్ కళ్యాణ్ హీరోగా నటించిన తమ్ముడు టైటిల్ ని నితిన్ సినిమా ప్రకటించిన విషయం తెలిసిందే. వకీల్ సాబ్ డైరెక్టర్ వేణు శ్రీరామ్ దర్శకత్వంలో దిల్ రాజు నిర్మాణంలో ఈ చిత్రం రాబోతుంది. పవన్ కళ్యాణ్ తమ్ముడు మూవీలో అన్న తమ్ముడు సెంటిమెంట్ అయితే.. నితిన్ తమ్ముడు మూవీలో అక్కా తమ్ముడు సెంటిమెంట్ ఉండనుంది.
ఈ మూవీలో నితిన్ అక్కగా ఒకప్పటి హీరోయిన్ లయ నటిస్తోంది. ఇప్పటివరకు ఎలాంటి అప్డేట్ లేని తమ్ముడు మూవీ నుంచి తాజాగా రిలీజ్ డేట్ ప్రకటిస్తూ.. ఓ పోస్టర్ విడుదల చేశారు. తమ్ముడు మూవీ 2025 మహా శివరాత్రికి రిలీజ్ చేయనున్నట్టు తాజాగా ప్రకటించారు. పోస్టర్ లో నితిన్ ఓ చిన్న పాపను భుజం పై ఎక్కించుకొని చేతిలో వెలుగుతున్న కాగడా పట్టుకొని ఉన్నాడు. కొంత మంది తరుముతుంటే పరిగెడుతున్నట్టు కనిపిస్తోంది. ఇది యాక్షన్ సీన్ లోని ఈఫొటో అని అర్థమవుతోంది.
