టాలీవుడ్ హాప్పెనింగ్ హీరోయిన్ శ్రీలీల మరో బంపర్ ఆఫర్ కొట్టేసింది. ఏకంగా పాన్ ఇండియా స్టార్ ప్రభాస్ సరసన నటించే ఛాన్స్ దక్కించుకుంది. ప్రస్తుతం ఈ న్యూస్ నెట్టింట తెగ వైరల్ అవుతోంది. ఇప్పటికే చేతినిండా సినిమాలతో బిజీగా ఉన్న ఈ భామ త్వరలోనే ఓ పాన్ ఇండియా ప్రాజెక్టులో భాగం కానుందట. ఈ విషయం తెలిసి శ్రీలీల ఫ్యాన్స్ తెగ ఖుష్ అవుతున్నారు. ప్రభాస్-శ్రీలీల జంట అద్భుతంగా ఉందంటూ కామెంట్స్ చేస్తున్నారు.
డైరెక్టర్ హను రాఘవపూడి స్టార్ హీరో ప్రభాస్‌తో ఓ సినిమా తెరకెక్కించనున్నట్లు ఇటీవల వార్తలు వచ్చిన విషయం తెలిసిందే. అయితే ఇందులో హీరోయిన్‌గా శ్రీలీలను ఎంపిక చేసినట్లు తెలుస్తోంది. ఇప్పటికే ఈ స్టోరీని ప్రభాస్, శ్రీలీలకు వినిపించగా వీళ్లిద్దరూ ఓకే చెప్పారట. లవ్ స్టోరీగా వస్తున్న ఈ సినిమాలో ముందుగా బాలీవుడ్ హీరోయిన్‌ను తీసుకుంటారని వార్తలు వచ్చినా.. తాజాగా శ్రీలీల పేరు తెరపైకి రావడం గమనార్హం. అక్టోబర్‌ 23 ప్రభాస్ పుట్టినరోజున దీనికి సంబంధించి అధికారిక వివరాలు వెల్లడిస్తారని సమాచారం.
