వంశీ దర్శకత్వంలో మాస్ మహారాజా రవితేజ హీరోగా తెరకెక్కబోతున్న పాన్ ఇండియా మూవీ టైగర్ నాగేశ్వరరావు. ఈ చిత్రాన్ని అభిషేక్ అగర్వాల్ ఆర్ట్స్ సంస్థ నిర్మిస్తోంది. జీవి ప్రకాష్ కుమార్ ఈ చిత్రానికి సంగీతాన్ని అందిస్తున్నారు. 1970 – 80 లలో స్టువర్టుపురం గజదొంగ గా పోలీసులకు నిద్ర లేకుండా చేసిన టైగర్ నాగేశ్వరరావు కథ ఇది. నుపుర్ సనన్ కథానాయికగా నటిస్తున్న ఈ సినిమాను దసరా కానుకగా అక్టోబర్ 20వ తేదీన విడుదల చేయనున్నారు.
ఈ సినిమాతో రవితేజ పాన్ ఇండియన్ స్టార్ గా మారబోతున్నారు. తాజాగా ఈ మూవీకి సంబంధించిన ఫస్ట్ లుక్ గ్లింప్స్ ని రిలీజ్ చేశారు. విక్టరీ వెంకటేష్ అదిరిపోయే వాయిస్ ఓవర్ తో మొదలయ్యే ఈ గ్లింప్స్ ఆకట్టుకుంటుంది. పులుల్ని వేటాడే పులిని చూశారా..? అంటూ రవితేజ చెప్పే హై వోల్టేజ్ డైలాగ్ గూస్ బంప్స్ తెప్పిస్తోంది. మరి అక్టోబర్ 20న రవితేజ మరో హిట్ ని తన ఖాతాలో వేసుకుంటాడో..? లేదో..? వేచి చూడాలి.
