బాలీవుడ్ బాద్షా షారుక్ ఖాన్ వరుస విజయాలతో దూసుకెళ్తున్నారు. పఠాన్, జవాన్ మూవీస్తో షారుక్ బాక్సాఫీస్ను రఫ్ఫాడిస్తున్నారు. ఇక తాజాగా ఆయన డంకీ చిత్రంతో ప్రేక్షకుల ముందుకు రానున్నారు. త్రీ ఇడియట్స్ ఫేం రాజ్ కుమార్ హిరాణీ దర్శకత్వంలో తెరకెక్కుతున్న ఈ సినిమాలో విక్కీ కౌశల్, తాప్సీ కీలక పాత్రల్లో నటిస్తున్నారు. డిసెంబర్ 21వ తేదీన ప్రపంచ వ్యాప్తంగా ఈ సినిమా విడుదల కానుంది. ఈ నేపథ్యంలో తాజాగా ఈ సినిమా ట్రైలర్ను రిలీజ్ చేసింది చిత్ర బృందం.
సుమారు మూడు నిమిషాల నిడివిగల ఆ ట్రైలర్ ప్రేక్షకులను ఆకట్టుకుంటోంది. ఓవైపు కడుపుబ్బా నవ్వించే కామెడీ.. అంతలోనే కన్నీళ్లు పెట్టించే ఎమోషనల్ సీన్స్తో రోలర్ కోస్టర్ రైడ్లో ట్రైలర్ సాగింది. షారుక్ ఖాన్ వాయిస్ ఓవర్తో వచ్చిన ఈ వీడియో ఇప్పుడు సోషల్ మీడియాలో ట్రెండ్ అవుతోంది. 1995 బ్యాక్ డ్రాప్తో ఈ సినిమా తెరకెక్కినట్లు తెలుస్తోంది. ఇంగ్లీష్ రాని ఐదుగురు లండన్ వెళ్లడానికి చాలా ప్రయత్నిస్తూ చివరకు వీసా రాకపోవడంతో అక్రమంగా అయినా వెళ్లాలని ఫిక్స్ అవుతారు. అలా అక్రమంగా దేశాలను దాటూతూ లండన్ ఎలా వెళ్లారు. ఈ క్రమంలో వారు ఎదుర్కొన్న సమస్యలు ఏంటి అనేదే ఈ సినిమా స్టోరీ అన్నట్లు తెలుస్తోంది.
