పవన్ కళ్యాణ్‌పై బర్రెలక్క కీలక వ్యాఖ్యలు చేశారు. బర్రెలక్క తెలంగాణ ఎన్నికల్లో సెంటర్ ఆఫ్ ది అట్రాక్షన్ గా నిలిచారు. కొల్లాపూర్ నుంచి పోటీ చేసిన ఆమె ఓటమి చవిచూసినా అనేకమంది మనసులు గెలిచారు. ఈ క్రమంలోనే పవన్ కళ్యాణ్ తో తనను పోల్చడంపై స్పందించారు.
“ఆయనతో నన్ను పోల్చడం సంతోషంగా అనిపిస్తుంది. పవర్ సార్ కూడా న్యాయం కోసం పోరాడుతున్నారు. డబ్బు సంపాదించాలనే ఆశ ఆయనకి లేదు. ప్రజాసేవ కోసమే రాజకీయాల్లో ఉన్నారు. ఓటమితోనే గెలుపు వస్తుంది” అని చెప్పారు.
కాగా, 2022 డిసెంబరులో ఈ యువతి బర్రెలను కాస్తూ సామాజిక మాధ్యమంలో పోస్టు చేసిన ఓ వీడియో సంచలం సృష్టించింది. ఉద్యోగాలు రావడం లేదని, అందుకే బర్రెలు కాస్తూ బతుకుతున్నానంటూ పోస్టు చేసిన ఈ వీడియో ట్రెండ్ క్రియేట్ చేసింది. అయితే ప్రభుత్వానికి వ్యతిరేకంగా చేస్తున్నారంటూ ఆమెపై పెద్దకొత్తపల్లి ఠాణాలో కేసు కూడా నమోదయ్యింది. అయినా ఆమె తడబడకుండా సోషల్‌ మీడియాలో రీల్స్‌ చేస్తూ సెన్సేషన్గా మారారు.
