ప్రముఖ టాలీవుడ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా వచ్చిన పాన్ ఇండియా చిత్రం పుష్ప.. ఈ సినిమా పాన్ ఇండియా రేంజ్ లో విడుదలై భారీ విజయాన్ని అందించడమే కాకుండా నార్త్ ఇండియాలో ఎటువంటి అంచనాలు లేకుండా వంద కోట్ల క్లబ్లో చేరిపోయి రికార్డు సృష్టించింది.
దీంతో ఒక్కసారిగా నార్త్ ఇండియన్స్ కూడా బన్నీకి అభిమానులు అయిపోయారు. ఇక ఆయన తదుపరి సినిమా కోసం వెయ్యి కళ్లతో ఎదురుచూస్తున్న విషయం తెలిసిందే. ఇక అందులో భాగంగానే పుష్ప సీక్వెల్ తో మళ్ళీ ప్రేక్షకుల ముందుకు రాబోతున్నారు బన్నీ. అయితే పుష్ప రెండో భాగం నుంచి అదిరిపోయే అప్డేట్ వచ్చింది. ఈ సినిమాలో పోలీస్ అధికారి బన్వర్సింగ్ షెకావత్ గా నటించిన ఫాహద్ పసిల్ లుక్ రిలీజ్ చేసింది చిత్రం బృందం. ఈరోజు ఫాహద్ బర్త్ డే ఉన్న నేపథ్యంలో మేకర్స్ విషెస్ చెబుతూ ఈ పోస్టర్ రిలీజ్ చేశారు. ఈ పోస్టర్లో ఫాహాద్ సిగరెట్ తాగుతూ చాలా భయంకరమైన లుక్ లో కనిపించాడు.
Face of vengeance 😈🔥#FahadhFaasil Poster Today @ 10:44 AM 💥#Pushpa2TheRule❤🔥
— Pushpa (@PushpaMovie) August 8, 2023
