సూర్యాపేట ఎక్సైజ్ పోలీసులు జిల్లా కేంద్రంలోని హైటెక్ బస్స్టేషన్ సమీపంలో తనిఖీ చేస్తుండగా అనుమానాస్పదంగా కనిపించిన ఒరిస్సా రాష్ట్రానికి చెందిన బిశ్వజిత్ తరఫ్దార్ అనే వ్యక్తిని పట్టుకున్నారు. నిందితుడి నుంచి 11 కేజీల గంజాయిని స్వాధీనం చేసుకున్నారు. విచారణలో ఒరిస్సా రాష్ట్రం మల్కన్గిరి జిల్లా నుంచి హైదరాబాద్కు గంజాయిని తరలించడానికి బస్సులో వెళుతూ సూర్యాపేటలో దిగానని అంగీకరించాడు.
