అన్నదాత సుఖీభవ అని పెద్దలు ఎప్పుడు అంటూ వుంటారు. దేశానికి వెన్నెముకైన రైతు బాగుంటేనే రాజ్యం బాగుంటుంది. ఈ నమ్మకంతోనే 2026 బడ్జెట్లో ప్రభుత్వం వ్యవసాయ రంగానికి పెద్దపీట వేసింది. కేవలం అంకెలు మార్చడమే కాకుండా, క్షేత్రస్థాయిలో రైతుకు దన్నుగా నిలిచేలా కీలక నిర్ణయాలు తీసుకుంది. పెట్టుబడి సాయం నుంచి ఆధునిక సాంకేతికత వరకు రైతును రారాజును చేయడమే లక్ష్యంగా ఈ ఏడాది కేటాయింపులు సాగాయి. ఆ విశేషాలు ఇప్పుడు చూద్దాం.
రైతులకు ఊతం- బడ్జెట్ 2026 విశేషాలు: పెట్టుబడి కష్టాలకు చెక్ వ్యవసాయం అంటేనే పెట్టుబడితో కూడుకున్న పని. విత్తనాలు, ఎరువుల కొనుగోలు కోసం రైతు అప్పుల పాలవ్వకూడదనే ఉద్దేశంతో ‘రైతు భరోసా’ నిధులను ప్రభుత్వం భారీగా పెంచింది. ఇక నేరుగా రైతుల ఖాతాల్లోకే నగదు జమ చేయడం ద్వారా సాగు పనులకు సమయానికి డబ్బు అందుతుంది. ఇది చిన్న, సన్నకారు రైతులకు కొండంత అండగా నిలవనుంది.
సాంకేతికతతో స్మార్ట్ వ్యవసాయం: ఈసారి బడ్జెట్లో ‘అగ్రి-టెక్’కు ప్రాధాన్యత పెరిగింది. పొలాల్లో డ్రోన్ల వినియోగాన్ని ప్రోత్సహించడానికి సబ్సిడీలు ప్రకటించారు. దీనివల్ల ఎరువుల చల్లకం సులభం కావడమే కాకుండా, పురుగుమందుల ప్రభావం రైతు ఆరోగ్యంపై పడకుండా ఉంటుంది. అలాగే ఇక ఇప్పుడు వాతావరణ మార్పులను ముందే పసిగట్టే స్మార్ట్ యాప్స్ కోసం కూడ నిధులు కేటాయించారు.
గిట్టుబాటు ధర – భరోసా: పండించిన పంటకు సరైన ధర రాకపోతే రైతు కుంగిపోతాడు. అందుకే, మద్దతు ధర (MSP) అమల్లో పారదర్శకత పెంచేలా బడ్జెట్లో చర్యలు తీసుకున్నారు. ఇక ఈ-నామ్ (e-NAM) ప్లాట్ఫారమ్ను మరింత బలోపేతం చేసి దళారుల ప్రమేయం లేకుండా దేశంలో ఎక్కడైనా పంటను అమ్ముకునే వీలు కల్పించారు. నిల్వ సామర్థ్యాన్ని పెంచేందుకు గ్రామాల్లోనే కోల్డ్ స్టోరేజీల నిర్మాణానికి నిధులు మంజూరయ్యాయి.
సేంద్రియ సాగుకు ప్రోత్సాహం భూమి ఆరోగ్యాన్ని కాపాడటం కోసం ప్రకృతి వ్యవసాయం (Organic Farming) చేసే రైతులకు ప్రత్యేక ప్యాకేజీలు ప్రకటించారు. రసాయనిక ఎరువుల వాడకం తగ్గించి, సేంద్రియ పద్ధతులు పాటించే గ్రామాలను ‘గ్రీన్ విలేజ్’లుగా తీర్చిదిద్దేందుకు ప్రభుత్వం సిద్ధమైంది. దీనివల్ల సాగు ఖర్చు తగ్గడమే కాకుండా ప్రజలకు పోషక విలువలున్న ఆహారం అందుతుంది.
