కొన్నిసార్లు కొన్ని లక్షణాలు మనకు జీవితంలో వచ్చే అనేక సమస్యలకు సంకేతాలుగా ఉంటాయి. మనం అవి చిన్న సమస్యలేగా రెండు రోజులు ఓర్చుకుంటే తగ్గిపోతుంది అనుకుంటాం. అనేక సమస్యల కారణంగా నొప్పులు వస్తాయి.. ఈ నొప్పులు అప్పుడప్పువు వస్తే ప్రాబ్లమ్ లేదు. కానీ, ఎక్కువగా వస్తూ తీవ్రంగా ఉంటే మాత్రం ముందుగానే జాగ్రత్త పడాలి. ఇవి శరీరంలో వచ్చే అనేక సమస్యల గురించి తెలిపే లక్షణాలని గుర్తించాలి. పొత్తికడుపు నొప్పి వస్తుంటే.. దానికి వివిధ కారణాలు ఉంటాయి. ఈరోజు మనం ఆ కారణాలు ఏంటో తెలుసుకుందాం.
మలబద్ధకం..
కొన్ని రోజులుగా మలబద్ధకం సమస్య ఉన్నా కడుపునొప్పి వస్తుంటుంది. దీనిని తగ్గించేందుకు మంచి ఆహారం తీసుకోవడం ముఖ్యంగా ఫైబర్ ఫుడ్ వీటితో పాటు నీరు ఎక్కువగా తాగడం మంచిది. సరైన జీవనశైలి లేని కారణంగా చాలామందిని మలబద్ధకం వేధిస్తుంటుంది. సరైన వేళలో లేవడం, ఫైబర్, సమతుల్యమైన ఆహారం తీసుకోవడం చేయడం వల్ల చాలా వరకూ సమస్య దూరమవుతుంది.
క్యాన్సర్స్..
కొన్ని ఆరోగ్య సంస్థల ప్రకారం.. కొన్ని రకాల క్యాన్సర్స్ కూడా పొత్తి కడుపులో నొప్పిని కలిగిస్తాయి. జాన్స్ హాప్కిన్స్ మెడిసిన్ ప్రకారం, ప్యాంక్రియాటిక్ క్యాన్సర్ సాధారణ లక్షణం పొత్తికడుపు నొప్పి. ఇక యూకే నేషనల్ హెల్త్ సర్వీసెస్ ప్రకారం, మీ పొట్ట పైభాగంలో నొప్పి వస్తే క్యాన్సర్ అని అనుమానించాల్సిందే.
ఫ్యాటీ లివర్ ప్రాబ్లమ్స్
ఫ్యాటీ లివర్ కూడా అనేక సమస్యల్లో ఒకటి. కాలేయంలో కొవ్వు పేరుకుపోయినప్పుడు ఈ సమస్య వస్తుంది. ఇది ముదిరి సిర్రోసిస్‌ వచ్చే వరకూ ఎలాంటి లక్షణాలు ఉండకపోవచ్చు. కానీ, కొంతమందిలో కడుపు నొప్పి, పొత్తి కడుపులో నొప్పి వచ్చినట్లుగా ఉంటుందని క్లీవ్‌ల్యాండ్ క్లినిక్ చెప్పారు. ఈ సమస్య రావడానికి ముఖ్య కారణాలు ఆల్కహాల్ తీసుకోవడం, పొగ త్రాగడం. కాబట్టి ఈ రెండింటికి దూరంగా ఉండాలి.
అపెండిసైటిస్
అపెండిక్స్ అనేది మీ పెద్ద ప్రేగుల్లో ఉండే చిన్న, సన్నని గొట్టం. ఇది ఎర్రబడినప్పుడు సమస్య వస్తుంది. మాయో క్లినిక్ ప్రకారం అపెండిసైటిస్ ఉన్నా కూడా పొత్తికడుపులో కుడివైపున నొప్పి వస్తుందని తేలింది. సాధారణంగా పొత్తికడుపు మధ్యలో ప్రారంభమయ్యే ఈ నొప్పి కింది భాగంలోకుడివైపుకి ఎక్కువ అవుతుందని తేలింది. నొప్పి ఎక్కువగా రావొచ్చు. కదిలేటప్పుడు, ఊపిరిపీల్చినప్పుడు నొప్పి తీవ్రంగా ఉంటుంది.
గ్యాస్
పొత్తికడుపులో నొప్పి రావడానికి గ్యాస్, అసిడిటీ సమస్యలు కూడా కారణం కావచ్చు. యాసిడ్ రిఫ్లక్స్ వల్ల కూడా నొప్పి వస్తుంది. గ్యాస్ట్రో ఎసోఫాగియల్ రిఫ్లక్స్ అని పిలిచే యాసిడ్ రిఫ్లక్స్, కడుపు ఆమ్లాలు మీ గొంతును, కడుపుతో కలిపే భాగంలోకి వచ్చినప్పుడు వస్తుంది. దీని కారణంగా ఛాతీ, గొంతులో మంటగా అనిపిస్తుంది.
కిడ్నీ ఇన్ఫెక్షన్
సాధారణంగా మీ మూత్రనాళం నుండి వచ్చే బ్యాక్టీరియా కారణంగా కిడ్నీ ఇన్ఫెక్షన్ వస్తుంది. మీ కిడ్నీల్లో ఒకటి, రెండు ఇన్ఫెక్షన్ వల్ల ఎఫెక్ట్ అవుతాయి. పొత్తికడుపులో నొప్పి వస్తుంటే కిడ్నీ ఇన్ఫెక్షన్ నుండి ఇబ్బంది వస్తుంది. కిడ్నీ ప్రాబ్లమ్స్‌కి ట్రీట్‌మెంట్ సరిగ్గా చేయకపోతే సమస్య ముదురుతుందని గుర్తుపెట్టుకోండి.
ఫుడ్ పాయిజనింగ్..
సాధారణంగా కడుపులో వైరస్, ఫుడ్ పాయిజనింగ్ సమస్యలు ఉన్నా కడుపు నొప్పి ఎక్కువగా వస్తుంటుంది. దీనిని ఎప్పటికప్పుడు గమనించాలి. శుభ్రమైన ఆహారం మాత్రమే తీసుకోవాలని గుర్తుపెట్టుకోండి. బయట దొరికే జంక్ ఫుడ్స్, ఆయిల్ ఫుడ్స్ తినకపోవడమే మంచిది. ఇందులో వాడే ఆయిల్స్ వల్ల ఎక్కువగా సమస్య వస్తుంది. కాబట్టి, వీటిని తీసుకోపోవడమే మంచిది.
కిడ్నీలో రాళ్ళు..
కిడ్నీ స్టోన్స్ మీ కిడ్నీ లోపల ఏర్పడే ఖనిజాలు, లవణాల వల్ల వస్తాయి. కిడ్నీల్లో రాళ్లు చిన్నగా ఉంటే నొప్పి ఎక్కువగా ఉండదు. ఓ పెద్ద కిడ్నీ రాయి మీ కిడ్నీ, మూత్రాశయాన్ని కలిపే ట్యూబ్‌లోకి వెళ్తుంటేు పొత్తికడుపు, నడుము, గజ్జల్లో నొప్పి ఎక్కువగా ఉంటుంది. ఈ రాయి మూత్ర నాళం గుండా కదులుతుంటే నొప్పి తీవ్రతతో పాటు నొప్పి వచ్చే ప్లేస్ కూడా మారుతుంటుంది. మీ కడుపు, పొత్తికడుపు కుడి వైపున వచ్చే కడుపు నొప్పికి కిడ్నీల్లో రాళ్ళు ఉన్నా కూడా వస్తుంది.
