ఆరోగ్యానికి అత్యుత్తమమైన నట్స్ (బాదం, వాల్నట్స్) మరియు సీడ్స్ (గుమ్మడి గింజలు, చియా గింజలు) ను రాత్రంతా నానబెట్టి తినడం మనందరికీ అలవాటే. ఈ చిన్న చిట్కా వాటి పోషక విలువలను అమాంతం పెంచుతుందని, జీర్ణశక్తిని మెరుగుపరుస్తుందని మనకు తెలుసు. కానీ ఆ పోషకాల శక్తిని పూర్తిగా పొందాలంటే కేవలం నీటిలో వేయడం మాత్రమే సరిపోదు! అవి విషతుల్యం కాకుండా వాటిలోని ప్రతి మంచి గుణం మనకు అందాలంటే నానబెట్టే ముందు కొన్ని ముఖ్యమైన జాగ్రత్తలు తీసుకోవాలి. అవేంటో తెలుసుకుందాం.
నట్స్ మరియు సీడ్స్ (గింజలు) లో ఉండే ముఖ్యమైన అడ్డంకి ఫైటిక్ యాసిడ్. ఈ యాసిడ్ మన శరీరంలో జింక్, ఐరన్ వంటి ముఖ్యమైన మినరల్స్ (ఖనిజాలు) ను పూర్తిగా గ్రహించకుండా అడ్డుకుంటుంది. నానబెట్టడం వల్ల ఈ యాసిడ్ విచ్ఛిన్నమవుతుంది, తద్వారా పోషకాలు సులభంగా మన శరీరానికి అందుతాయి.
పూర్తిగా శుభ్రం చేయండి: నట్స్ మరియు సీడ్స్ కొనుగోలు చేసినప్పుడు వాటిపై ధూళి, క్రిమిసంహారక మందుల అవశేషాలు లేదా ఇతర కలుషితాలు ఉండవచ్చు. కాబట్టి, నానబెట్టడానికి ముందు వాటిని గోరువెచ్చని నీటిలో సుమారు 30 సెకన్లు కడిగి, శుభ్రమైన నీటితో మరోసారి కడగాలి. ఈ శుభ్రత చాలా ముఖ్యం.
ఉప్పు నీటిలో నానబెట్టండి: కేవలం శుభ్రమైన నీటిలో నానబెట్టడం కంటే, ఉప్పు నీటిని ఉపయోగించడం మరింత ప్రయోజనకరం. ఒక కప్పు నట్స్, సీడ్స్కు ఒక టీస్పూన్ కల్లు ఉప్పు లేదా సాధారణ ఉప్పు వేసిన నీటిని ఉపయోగించండి. ఉప్పు వేయడం వల్ల ఫైటిక్ యాసిడ్ విచ్ఛిన్నం వేగవంతం అవుతుంది.
సరైన సమయం: ప్రతి గింజకు నానబెట్టడానికి ఒక నిర్దిష్ట సమయం ఉంటుంది. బాదంను 8-12 గంటలు వాల్నట్స్ ను 4-6 గంటలు, గుమ్మడి గింజలను సుమారు 7 గంటలు నానబెట్టాలి. నిర్ణీత సమయం కంటే ఎక్కువ నానబెడితే వాటిలో బ్యాక్టీరియా పెరిగే అవకాశం ఉంది.
నానబెట్టడం పూర్తయిన తర్వాత, ఆ నీటిని తప్పకుండా పారబోయాలి. ఎందుకంటే ఆ నీటిలో ఫైటిక్ యాసిడ్ మరియు శుభ్రం చేసిన కలుషితాలు ఉంటాయి. ఆ తర్వాత, నానబెట్టిన గింజలను మరోసారి శుభ్రమైన నీటిలో కడిగి, అప్పుడు మాత్రమే తినాలి. తాజా శుభ్రమైన గింజలను నానబెట్టడం ద్వారా మీరు వాటిలో దాగి ఉన్న పోషక శక్తిని పూర్తిగా విడుదల చేసి మీ ఆరోగ్యానికి నిజమైన బలాన్ని అందిస్తారు.
గమనిక: నట్స్ లేదా సీడ్స్ను నానబెట్టే పాత్ర శుభ్రంగా మరియు గాజుతో (Glass) లేదా స్టెయిన్లెస్ స్టీల్తో చేసినదై ఉండాలి. ప్లాస్టిక్ పాత్రలను ఉపయోగించడం మానుకోండి. నానబెట్టిన తర్వాత వాటిని ఫ్రిజ్లో నిల్వ చేసి 2-3 రోజుల్లో తినేయడం ఉత్తమం.
 మరియు సీడ్స్ (గుమ్మడి గింజలు, చియా గింజలు) ను రాత్రంతా నానబెట్టి తినడం మనందరికీ అలవాటే){kind=link}