మనం చేసే పనుల కంటే, మనం చేసే ఆలోచనలే మన వ్యక్తిత్వాన్ని నిర్ణయిస్తాయి. చుట్టుపక్కల వారు మనల్ని గుర్తించడం లేదని లేదా మనం అనుకున్న అటెన్షన్ దొరకట్లేదని బాధపడుతున్నారా? అయితే సమస్య బయట లేదు, మీ లోపలే ఉంది. ప్రతికూల ఆలోచనల చక్రబంధంలో చిక్కుకుపోవడం వల్ల మనలోని అసలైన ప్రతిభ మరుగున పడిపోతుంది. నిరంతరం ‘నేను చేయలేను’ లేదా ‘నన్ను ఎవరూ పట్టించుకోరు’ అనే నెగిటివ్ థాట్స్ మీ ఆత్మవిశ్వాసాన్ని దెబ్బతీస్తాయి. ఈ ఆలోచనా తీరును మార్చుకుని, పాజిటివ్ వైపు అడుగులు వేయడం ఎలాగో ఇప్పుడు చూద్దాం.
మొదటగా, మీ ఆలోచనలను గమనించడం అలవాటు చేసుకోండి. నెగిటివ్ ఆలోచన రాగానే దాన్ని ఆపి, దానికి విరుద్ధమైన సానుకూల అంశాన్ని వెతకండి. ఉదాహరణకు “ఈ పని నాకు రాదు” అనే బదులు “దీన్ని నేను నేర్చుకోగలను” అని అనుకోండి. ఇక మన మెదడు మనం ఇచ్చే సూచనల ప్రకారమే పనిచేస్తుంది. సానుకూల దృక్పథం అనేది అలవాటు చేసుకుంటే వచ్చే కళ. ప్రతిరోజూ ఉదయం ఐదు నిమిషాల పాటు మీకు ఉన్న మంచి విషయాల గురించి కృతజ్ఞతగా ఉండటం ప్రాక్టీస్ చేయండి.
మీరు ఉండే వాతావరణం, మీరు కలిసే వ్యక్తులు మీ ఆలోచనా తీరుపై తీవ్ర ప్రభావం చూపుతారు. ఎప్పుడూ విమర్శించే వారు, నిరుత్సాహపరిచే వారికి దూరంగా ఉండండి. మీకు స్ఫూర్తినిచ్చే పుస్తకాలు చదవడం లేదా పాడ్కాస్ట్లు వినడం వల్ల మెదడుకు కొత్త ఉత్తేజం లభిస్తుంది.ఇక ధ్యానం చేయడం వల్ల మనసు ప్రశాంతంగా మారి, అనవసరమైన ఆందోళనలు తొలగిపోతాయి. ప్రశాంతమైన మనసు ఉన్నప్పుడే మనం ఇతరుల దృష్టిని ఆకర్షించేలా ఆత్మవిశ్వాసంతో వ్యవహరించగలం.
గుర్తుంచుకోండి, అటెన్షన్ అనేది అడిగితే వచ్చేది కాదు, మీ వ్యక్తిత్వం ద్వారా సంపాదించుకునేది. మీ పనిపై మీరు శ్రద్ధ పెట్టి, సానుకూల దృక్పథంతో ఉంటే అటెన్షన్ దానంతట అదే వస్తుంది. ఓటమిని కూడా ఒక పాఠంగా చూడటం నేర్చుకోండి. ఎప్పుడైతే మీరు మీ ఆలోచనలను నియంత్రించడం మొదలుపెడతారో, అప్పుడే ప్రపంచం మిమ్మల్ని గుర్తించడం మొదలుపెడుతుంది.
మీ ఆలోచనలే మీ భవిష్యత్తుకు పునాదులు. చీకటిని తిట్టడం కంటే ఒక చిన్న దీపం వెలిగించడం మిన్న అన్నట్లు, నెగిటివ్ ఆలోచనలను వదిలి ఒక చిన్న పాజిటివ్ అడుగు వేయండి, అదే మిమ్మల్ని శిఖరాలకు చేరుస్తుంది.
గమనిక: పైన ఇచ్చిన అవగాహన కోసం మాత్రమే, మానసిక ఒత్తిడి లేదా ప్రతికూల ఆలోచనలు మీ దైనందిన జీవితాన్ని తీవ్రంగా ప్రభావితం చేస్తుంటే, ప్రొఫెషనల్ కౌన్సిలర్ లేదా సైకాలజిస్ట్ను సంప్రదించడం మంచిది.
