ఆమె శరీరమే ముసలిదయింది కానీ.. ఆమె కాదు. ఆమె ఆలోచనలు ఇంకా యవ్వనంగానే ఉన్నాయి. 96 ఏళ్ల వయసులో కూడా పట్టుదలను కోల్పోకుండా ఏదైనా సాధించాలనే కసి ఆమెను ఇలా అందరిలో ఒకరిలా కాకుండా సమ్‌థింగ్ స్పెషల్‌గా నిలిపింది. ఆ బామ్మ పేరు కార్తియాని అమ్మ. కేరళలోని అలప్పుజా ఆమె ఊరు. కేరళ ప్రభుత్వం ఇటీవలే ఓ కార్యక్రమాన్ని ప్రారంభించింది. దాని పేరు అక్షర లక్ష్యం. నూటికి నూరు శాతం అక్షరాస్యత సాధించే దిశగా కేరళ ప్రభుత్వం చేస్తున్న కార్యక్రమాల్లో ఇదీ ఒకటి. అక్షర లక్ష్యం కార్యక్రమంలో ఎవరైనా చేరవచ్చు. చదువురాని వారికి ఈ ప్రోగ్రామ్ ద్వారా చదువు నేర్పిస్తారు. ఏజ్ లిమిట్ కూడా లేదు. దీంతో ఈ బామ్మ తన చదువుకోవాలనే కోరికను ఈ ప్రోగ్రామ్ ద్వారా తీర్చుకోవాలనుకుంది. జాయిన్ అయింది. ఆమెతో పాటు చాలామంది జాయిన్ అయ్యారు. అందరికీ కోర్స్ నేర్పించారు. తర్వాత పరీక్షలు నిర్వహించారు. దీంతో ఆ బామ్మ కూడా పరీక్షలు రాసింది. ఆమె పేపరు దిద్దిన ప్రోగ్రామ్ నిర్వాహకులు షాకయ్యారు. ఎందుకంటే ఆమెకు ఆ పరీక్షల్లో వందకు 98 మార్కులు వచ్చాయి. దీంతో ఆమెను అంతా తెగ మెచ్చుకున్నారు. వావ్.. బామ్మ.. ఈవయసులో కూడా నూటి 98 తెచ్చుకున్నావంటే.. అప్పట్లో చదువుకొని ఉంటే ఎక్కడో ఉండేదానివని తెగ పొగుడుతున్నారు.
