బేగంపేటలోని హైదరాబాద్ పబ్లిక్ స్కూల్‌లో చదువుకున్న సంగతి తెలిసిందే. జగన్‌తో పాటు ఆ స్కూల్‌లో చదువుకున్న జగన్ క్లాస్‌మేట్స్ అందరూ కలిసి జగన్‌కు శుభాకాంక్షలు తెలుపుతూ.. నగరంలోని కొన్ని ప్రాంతాల్లో ఫ్లెక్సీలు ఏర్పాటు చేశారు.
ఏపీలో వైఎస్సార్సీపీ ప్రభంజనం సృష్టించిన సంగతి తెలిసిందే కదా. వైఎస్సార్సీపీకి ఏపీ ప్రజలు 151 సీట్లతో ఘన విజయాన్ని అందించారు. దీంతో వైఎస్సార్సీపీ అధ్యక్షుడు వైఎస్ జగన్ ఈనెల 30న ఏపీ ముఖ్యమంత్రిగా ప్రమాణ స్వీకారం చేయనున్నారు. దీంతో వైఎస్ జగన్‌కు అభినందనలు, శుభాకాంక్షలు వెల్లువెత్తుతున్నాయి. ఎవరికి వాళ్లు.. వాళ్లకు తోచిన విధంగా జగన్‌కు అభినందనలు చెబుతున్నారు.
అయితే.. అందరి అభినందనలు ఒక ఎత్తు అయితే.. వైఎస్ జగన్‌కు ఇచ్చిన ఓ సర్‌ప్రైజ్ మరో ఎత్తు. జగన్.. బేగంపేటలోని హైదరాబాద్ పబ్లిక్ స్కూల్‌లో చదువుకున్న సంగతి తెలిసిందే. జగన్‌తో పాటు ఆ స్కూల్‌లో చదువుకున్న జగన్ క్లాస్‌మేట్స్ అందరూ కలిసి జగన్‌కు శుభాకాంక్షలు తెలుపుతూ.. నగరంలోని కొన్ని ప్రాంతాల్లో ఫ్లెక్సీలు ఏర్పాటు చేశారు. మెట్రో పిల్లర్లకు ఫ్లెక్సీలను ఏర్పాటు చేసి.. జగన్‌తో తమకు ఉన్న అనుబంధాన్ని గుర్తు చేసుకున్నారు.
వైఎస్ జగన్‌తో కలిసి 1991లో దిగిన ఓ ఫోటోను ఫ్లెక్సీలో పెట్టి.. ప్రౌడ్ ఆఫ్ యు జగన్… అంటూ ఫ్లెక్సీలో రాయించారు. ఆ ఫోటోలను జగన్ స్నేహితులు తమ సోషల్ మీడియాలోనూ షేర్ చేయడంతో ఆ ఫోటోలు ప్రస్తుతం వైరల్‌గా మారాయి.
