స్వలింగ సంపర్కం నేరం కాదని, అది సమ్మతమే అని చెబుతూ సుప్రీం కోర్టు సెక్షన్ 377పై ఇటీవలే తీర్పు చెప్పిన విషయం విదితమే. దీంతో దేశ వ్యాప్తంగా ఉన్న స్వలింగ సంపర్కులు సంబరాలు చేసుకున్నారు. అలాంటి వారు పిల్లలుగా ఉన్న పలువురు తల్లిదండ్రులు కూడా ఈ విషయం పట్ల ఆనందం వ్యక్తం చేశారు. అయితే తమ పిల్లలు ఇలా స్వలింగ సంపర్కులుగా మారడాన్ని పలువురు తల్లిదండ్రులు జీర్ణించుకోలేరు. అందుకు కారణం కూడా లేకపోలేదు. సమాజం తమను ఎలా చూస్తుందోనని వారి భయం. అందుకే కొందరు తల్లిదండ్రులు తమ పిల్లలు స్వలింగ సంపర్కులుగా మారడాన్ని వ్యతిరేకిస్తుంటారు. అయితే దీన్ని నివారించాలంటే.. పిల్లలు ఎదుగుతున్న వయస్సులోనే వారిని జాగ్రత్తగా పరిశీలించాల్సి ఉంటుంది. వారిలో ట్రాన్స్‌జెండర్ (హిజ్రా)గా లేదా స్వలింగ సంపర్కులుగా మారే లక్షణాలు ఆ వయస్సులోనే బయట పడుతుంటాయి. వాటిని గమనించడం ద్వారా తల్లిదండ్రులు జాగ్రత్త పడే అవకాశం ఉంది. అయితే మరి ఆ లక్షణాలు ఏమిటంటే…
1. పిల్లలు మూత్రం పోస్తున్నప్పుడు గమనించాలి. ఆడపిల్లలు అయితే సహజంగానే కూర్చుని మూత్రం పోస్తారు. కానీ మగపిల్లలు నిలుచుని ఆ పని చేస్తారు. ఇందుకు భిన్నంగా పిల్లలు ప్రవర్తిస్తుంటే అనుమానించాలి. ఆ అలవాటును మాన్పించే ప్రయత్నం చేయాలి.
2. కొందరు పిల్లలకు తమ లింగానికి చెందిన దుస్తులు కాకుండా వ్యతిరేక లింగానికి చెందిన దుస్తులను ఇష్ట పడుతారు. ఉదాహరణకు కొందరు ఆడ పిల్లలు మగ పిల్లల దుస్తులను ఇష్టపడితే, మగ పిల్లలు ఆడ పిల్లల దుస్తులను ఇష్టపడుతుంటారు. ఇలాంటి అలవాటు పిల్లల్లో ఉందేమో గమనించి తగిన విధంగా స్పందించాలి.
3. పలు కారణాల వల్ల కొందరు పిల్లలు తమను తాము వ్యతిరేక లింగం ఉన్న వారిగా అనుకుంటుంటారు. మగపిల్లలు తమను తాము ఆడపిల్లలమని అనుకోవచ్చు. లేదా ఆడపిల్లలు తమను తాము మగవాళ్లమని అనుకోవచ్చు. ఆ విధంగా కూడా ప్రవర్తించవచ్చు. ఇలాంటి ప్రవర్తన పిల్లల్లో ఉంటే స్పందించాలి.
4. సాధారణంగా ఆడపిల్లలు బార్బీ లాంటి బొమ్మలతో ఆడుకునేందుకు ఇష్టపడతారు. అదే మగపిల్లలు బస్సులు, ట్రక్కులు, గన్స్ తదితర బొమ్మలతో ఆడుకుంటారు. కానీ మీ పిల్లలు ఇలా కాకుండా వ్యతిరేకంగా ప్రవర్తిస్తే జాగ్రత్త పడాలి.
5. చిన్నతనంలో ఆడపిల్లలు తమ జుట్టును కత్తిరించుకుంటానికి ఇష్టపడుతున్నా, లేద మగపిల్లలు తమ జుట్టును పెంచుకోవడానికి ఇష్టపడుతున్నా అనుమానించాలి.
6. కొందరు పిల్లలకు తమకు తల్లిదండ్రులు పెట్టిన పేర్లు నచ్చకపోవచ్చు. ఆడపిల్లలు మగ పేర్లను, మగ పిల్లలు ఆడపేర్లను ఇష్టపడుతుండవచ్చు. ఆ విషయాన్ని తల్లిదండ్రులు గమనించాలి. తగిన విధంగా స్పందించాలి..!
