పట్టణ ప్రాంతాల్లో జంతువులను ఇంట్లో పెట్టుకునే ట్రెండ్ వేగంగా పెరుగుతోంది. ప్రజలు ముఖ్యంగా కుక్కలు, పిల్లులను పెంచుకోవడానికి ఎక్కువ ఇష్టపడతారు. రోజంతా వాటితో టైమ్‌ పాస్‌ చేసినా వాళ్లకు బోర్‌ కొట్టదు. బాధొచ్చినా, సుఖమొచ్చినా వాటితో షేర్‌ చేసుకుంటారు. కుక్కలు మన ఎమోషన్స్‌ అర్థం చేసుకోగలవు. కాబట్టి వాటితో దోస్తీ బాగుంటుంది. బయట నుంచి రాగానే చాలామంది కుక్కులతో ముద్దులాడతారు. అటువంటి పరిస్థితిలో ఈ జంతువుల నుండి వ్యాధులు సంక్రమించే ప్రమాదం ఎక్కువగా ఉంటుంది. దీనిపై నిర్వహించిన కొత్త పరిశోధనలో అనేక విషయాలు వెలుగులోకి వచ్చాయి.
డస్ట్ పెంపుడు జంతువులపై డైసన్ గ్లోబల్ ఇటీవల పరిశోధన నిర్వహించింది. ఈ పరిశోధన నివేదిక ప్రకారం, పెంపుడు జంతువులను పెంచుకునే భారతీయులు తమ పెంపుడు జంతువుల పరిశుభ్రత, వాటిపై కనిపించే వ్యాధులు, వైరస్ల గురించి చాలా జాగ్రత్తగా ఉండాలి. భారతీయుల్లో నలుగురిలో ఒకరు మాత్రమే ఈ సమస్యను ప్రాధాన్యతగా చూస్తున్నారు. ఈ కారణంగా చాలా సార్లు జంతువులు మొదట అనారోగ్యానికి గురవుతాయి. దీని కారణంగా ఈ వ్యాధి మనుషులకు వ్యాపిస్తుంది.
MDPI ఓపెన్ యాక్సెస్‌లో ప్రచురించబడిన ఒక పరిశోధన నివేదిక ప్రకారం, జంతువులలో కనిపించే బ్యాక్టీరియా ద్వారా మానవులకు అంటు వ్యాధులు సంక్రమిస్తాయి. ఈ పరిశోధనలో, బాసిల్లస్ ఆంత్రాసిస్ అనేది జంతువులలో ప్రాణాంతక వ్యాధిని కలిగించే ఒక రకమైన బ్యాక్టీరియాగా చెప్పబడింది. ఈ బ్యాక్టీరియా రాడ్ లాంటి ఆకారంలో ఉంటుంది.
కాస్పెర్స్కీ
దీని వల్ల జంతువులలో ఆంత్రాక్స్ అనే వ్యాధి వ్యాపిస్తుంది. అతి ముఖ్యమైన విషయం ఏమిటంటే, ఒక వ్యక్తి జంతువుల వ్యాధి సోకితే.. ఆ వ్యాధి మానవులకు కూడా సోకుతుంది. ఈ పరిశోధనలో పెంపుడు జంతువుల జుట్టు, చుండ్రు మరియు చర్మ కణాలపై ఎక్కువ శ్రద్ధ చూపుతారు. ఈ కాలుష్య కారకాలు పెంపుడు జంతువుల యజమానులు, పెంపుడు జంతువుల చుట్టూ ఉన్న పిల్లలలో అలెర్జీని కలిగిస్తాయి.
