నిర్మల్ జిల్లా సోన్ మండల పరిధిలోని కడ్తాల్ గ్రామ శివారు వద్ద బుధవారం ఉదయం జరిగిన రోడ్డు ప్రమాదంలో సీఐ జూపాక కృష్ణ‌మూర్తికి తీవ్రగాయాలయ్యాయి. ఆదిలాబాద్ నుంచి హైదరాబాద్ వైపు వెళ్తున్న కారును మరో కారు వేగంగా వచ్చి ఢీకొట్టింది. సీఐ తో పాటు ఆయన భార్యకు కూడా తీవ్ర గాయాలయ్యాయి. సీఐ పరిస్థితి విషమంగా ఉండటంతో చికిత్స కోసం హైదరాబాద్ తరలించారు. గాదిగూడ ఎస్ఐ పనిచేసిన కృష్ణ‌మూర్తి ఇటీవలే సీఐగా పదోన్నతి పొంది బదిలీ అయ్యారు. ఈ ప్రమాద ఘటనపై కేసు నమోదు చేసి పోలీసులు దర్యాప్తు చేపట్టారు.
