మాజీ హోంమంత్రి సబితా ఇంద్రారెడ్డి కుమారుడు రాజీనామా ..
కాంగ్రెస్ పార్టీకి మాజీ హోంమంత్రి సబితా ఇంద్రారెడ్డి కుమారుడు కార్తీక్‌రెడ్డి రాజీనామా చేశారు. ఆయన ఎప్పటినుంచో ఆశిస్తున్న రాజేంద్రనగర్ సీటు తనకు దక్కకపోవడంతో ఈ నిర్ణయం తీసుకున్నట్లుగా ప్రకటించారు. కార్తీక్ నిర్ణయానికి మద్ధతుగా ఎంపీపీలు, జడ్పీటీసీలు, డివిజన్ అధ్యక్షులు కూడా పార్టీకి రాజీనామా చేయనున్నట్లు తెలిపారు. ఈ సందర్భంగా కార్తీక్ రెడ్డి మీడియాతో మాట్లాడుతూ.. తాను ఎప్పటి నుంచి రాజేంద్రనగర్ నుంచి పోటీ చేసేందుకు ఏర్పాట్లు చేసుకున్నా అన్నారు. అయినప్పటికీ టికెట్ దక్కకపోవడంతో ఆయన ఈ నిర్ణయం తీసుకున్నట్లు పేర్కొన్నారు. రాజేంద్రనగర్ నుంచే ఇండిపెండెంట్‌గా పోటీచేసి గెలిచి.. తన సత్తా చాటాలని కార్తీక్‌రెడ్డి భావిస్తున్నట్లు సమాచారం. కార్తీక్ రెడ్డి రాజీనామాతో తల్లి సబితా ఇంద్రారెడ్డి ఎలాంటి నిర్ణయం ప్రకటిస్తారో అని రాజకీయ వర్గాల్లో చర్చనీయాంశమైంది.
