తెలంగాణ రాష్ట్రంలో కరోనా కేసులు సంఖ్య నిల‌క‌డ‌గా వ‌స్తున్నాయి. గ‌త కొద్ది రోజుల నుంచి రాష్ట్రంలో ప్ర‌తి రోజు 30 లోపే కేసులు న‌మోదు అవుతున్నాయి. శుక్ర‌వారం రాష్ట్రంలో 15 కేసులు మాత్ర‌మే న‌మోదు అయ్యాయి. కాగ ఈ రోజు కరోనా వైర‌స్ రిపోర్ట్ ను తెలంగాణ రాష్ట్ర వైద్య ఆరోగ్య శాఖ అధికారులు కాసేప‌టి క్రితం విడుద‌ల చేశారు. ఈ కరోనా రిపోర్ట్ ప్ర‌కారం గ‌డిచిన 24 గంట‌ల్లో తెలంగాణ రాష్ట్ర వ్యాప్తంగా 24 కరోనా వైర‌స్ పాజిటివ్ కేసులు వెలుగు చూశాయి.
అలాగే ఈ రోజు రాష్ట్ర వ్యాప్తంగా 22 మంది కరోనా వైర‌స్ బాధితులు పూర్తిగా కోలుకున్నారు. దీంతో తెలంగాణ రాష్ట్రంలో ప్ర‌స్తుతం 222 కరోనా యాక్టివ్ కేసులు మాత్ర‌మే ఉన్నాయి. కాగ ఈ రోజు రాష్ట్రంలో కరోనా మ‌ర‌ణాలు న‌మోదు కాలేదు. అలాగే గ‌డిచిన 24 గంట‌ల్లో తెలంగాణ రాష్ట్ర వ్యాప్తంగా వైద్య ఆరోగ్య శాఖ అధికారులు.. 14,127 కరోనా నిర్ధార‌ణ ప‌రీక్షలు నిర్వ‌హించారు. కాగ ఇంకా 336 ప‌రీక్ష ఫ‌లితాలు రావాల్సి ఉంది.
