నవీ ముంబైలో పాదాచారులపై దూసుకెళ్లిన కారు.. ఒకరు మృతి

రోడ్డు పక్కన నడుస్తున్న పాదాచారులపైకి వేగంగా దూసుకొచ్చిన కారు ఢీనడంతో ఒకరు మృతి చెందగా, మరొకరు తీవ్రంగా గాయపడిన ఘటన నవీ ముంబైలో చోటుచేసుకుంది. సంక్రాంతి పండుగ సందర్భంగా మంగళవారం మధ్యాహ్నం నవీ ముంబైలోని తలోజా ఏరియాలో ఈ ప్రమాదం చోటుచేసుకున్నట్లు తెలుస్తోంది.

రోడ్డుకు ఎడమవైపున కార్లు వెళ్తుండగా.. అప్పుడే రోడ్డు క్రాస్ చేసి వస్తున్న ఓ మహిళ, పురుషుడి మీదకు స్పీడుగా దూసుకొచ్చిన కారు ఢీకొట్టింది. ఈ ఘటనలో ఒకరు మృతి చెందగా, మరొకరికి తీవ్ర గాయాలయ్యాయి. ప్రమాదానికి అతివేగం, డ్రైవర్ నిర్లక్ష్యమే కారణమని తెలుస్తోంది. వెంటనే కారు డ్రైవర్‌ను పోలీసులు అదుపులోకి తీసుకున్నారు. గాయాలపాలైన వారిని ఆస్పత్రికి తరలించి చికిత్స అందిస్తున్నారు.