చిరంజీవి సినిమా సెట్ లో భారీ అగ్నిప్రమాదం చోటు చేసుకుంది. ఏడాది కిందట ఆచార్య సినిమాను చిరంజీవి చేసిన సంగతి తెలిసిందే. అయితే, ఈ సినిమా కోసం కోకపేట లేక్ సమీపంలో ఏర్పాటు చేసిన సెట్ అలాగే ఉంచారు. అయితే, తాజాగా కొకపేట లేక్ సమీపంలో ఉన్న ఆచార్య సినిమా సెట్ లో అగ్ని ప్రమాదం చోటు చేసుకుంది.
నిన్న సాయంత్రం 6 గంటల ప్రాంతంలో అగ్ని ప్రమాదం జరిగింది. దీంతో మంటలను గమనించి ఫైర్ సిబ్బందికి సమాచారం ఇచ్చింది సెక్యూరిటీ. ఈ తరుణంలోనే రంగంలోకి దిగిన ఫైర్ సిబ్బంది..మంటలను పూర్తిగా అదుపు చేశారు. అగ్ని ప్రమాదం జరిగిన సమయంలో.. సెట్ లో ఎవరు లేకపోవడంతో ప్రమాదం తప్పింది. సిగరెట్ తాగి పడేయడంతోనే ప్రమాదం జరిగినట్టు సెట్ సిబ్బంది చెబుతున్నారు.
