తన అనారోగ్యం గురించి..తాజాగా నటి సమంత ఓపెన్ అయ్యింది. మయోసిటిస్‌ అనే ఆటో ఇమ్యూనిటీ కండిషన్‌తో బాధపడుతున్నట్లు తెలిపింది. ఆరోగ్యం నిలకడగానే ఉందని.. త్వరలోనే కోలుకుంటానని ధీమా వ్యక్తం చేసింది. చేతికి సెలైన్‌ ఎక్కుతుండగా.. యశోద సినిమాకు డబ్బింగ్ చెబుతూ ఆమె ఈ పోస్ట్ చేసింది.
దీంతో స్టార్ హీరోలు, అభిమానులు ఆమె కోలుకోవాలని ఆకాంక్షిస్తూ సోషల్ మీడియాలో పోస్టులు పెడుతున్నారు. ఈ తరుణంలో ఆమె అనారోగ్యంపై అఖిల్ అక్కినేని స్పందించాడు. ‘డియర్ సామ్, అందరి ప్రేమాభిమానాలే నీకు మరింత బలాన్నిస్తాయి’ అని సోషల్ మీడియాలో పోస్ట్ చేశాడు. అయితే ఆమె మాజీ భర్త నాగచైతన్య ఇంకా స్పందించలేదు.
