ఏపీ నిరుద్యోగులకు శుభవార్త. హైకోర్టులో ఉద్యోగాలకు నోటిఫికేషన్ విడుదల అయింది. ఆంధ్రప్రదేశ్ న్యాయ శాఖలో ఖాళీగా ఉన్న పలు ఉద్యోగాల భర్తీకి రాష్ట్ర హైకోర్టు నోటిఫికేషన్ విడుదల చేసింది.
అమరావతిలోని రాష్ట్ర ఉన్నత న్యాయస్థానం మొత్తం 30 సివిల్ జడ్జి పోస్టుల భర్తీకి దరఖాస్తులు ఆహ్వానిస్తోంది. అర్హులైన అభ్యర్థులు ఈనెల 17వ తేదీ నుంచి ఏప్రిల్ 6వ తేదీ వరకు ఆన్లైన్లో దరఖాస్తులు చేసుకోవచ్చని హైకోర్టు రిజిస్ట్రార్ ఓ ప్రకటనలో తెలిపారు. ఈ ఉద్యోగాల్లో డైరెక్ట్ రిక్రూట్మెంట్ ప్రతిపాదికన 24 ఖాళీలు, బదిలీల ద్వారా మరో 6 ఖాళీలను భర్తీ చేయనున్నట్లు వెల్లడించారు.
