తిరుమల శ్రీవారి భక్తులకు బిగ్ అలర్ట్. తిరుమలలో బ్రేక్ దర్శనాలు రద్దు కానున్నాయి. తిరుమల శ్రీవారి ఆలయంలో ఈనెల 17న సాలకట్ల ఆణివార ఆస్థానం పురస్కరించుకొని ఇవాళ కోయిల్ అల్వార్ తిరుమంజనం నిర్వహిస్తున్నారు. దీంతో ఇవాళ బ్రేక్ దర్శనాలను రద్దు చేసినట్లు టీటీడీ వెల్లడించింది.
కాగా, తిరుమలలో భక్తుల రద్దీ కొనసాగుతోంది. 20 కంపార్టుమెంట్లలో భక్తులు..శ్రీవారి దర్శనానికి వేచి ఉన్నారు. టోకెన్ లేని భక్తుల సర్వదర్శనానికి 10 గంటల సమయం పడుతోంది. అలాగే.. నిన్న 64,347 మంది భక్తులు శ్రీవారిని దర్శించుకున్నారు. 28,358 మంది భక్తులు.. తలనీలాలు సమర్పించారు. ఇక అటు శ్రీవారి హుండీ ఆదాయం రూ.5.11 కోట్లుగా నిన్న నమోదు అయింది.
