ఆంధ్రప్రదేశ్ రాష్ట్ర విద్యార్థులకు బిగ్ అలర్ట్. ఆంధ్రప్రదేశ్ రాష్ట్రంలో స్కూల్లో టైమింగ్స్ లో మార్పులు చోటుచేసుకున్నాయి. ఈ నేపథ్యంలోనే కొత్త షెడ్యూల్ ను విడుదల చేసింది ఏపీ విద్యాశాఖ. ఆంధ్రప్రదేశ్ రాష్ట్రంలో ప్రస్తుతం ఉదయం 9 గంటల నుంచి సాయంత్రం నాలుగు గంటల వరకు పాఠశాలలను కొనసాగుతున్న సంగతి తెలిసిందే. అయితే ఈ షెడ్యూల్లో మార్పులు చేసింది ఏపీ విద్యాశాఖ. సాయంత్రం ఐదు గంటల వరకు పాఠశాలలో కొనసాగేలా… చర్యలు తీసుకుంటుంది.
అంటే ఇకపై ఉదయం 9 గంటల నుంచి సాయంత్రం ఐదు గంటల వరకు పాఠశాలలు కొనసాగుతాయన్నమాట. ఇక ఈనెల 25 – 30 వరకు కొత్త టైం టేబుల్ ను మొదట ప్రతి మండలంలోని రెండు పాఠశాలలో అమలు చేయబోతున్నారు అధికారులు. దీని ప్రకారం ఉదయం అలాగే మధ్యాహ్నం ఇచ్చే బ్రేక్ సమయాన్ని… ఐదు నిమిషాలు చొప్పున…. అలాగే భోజన విరామాన్ని 15 నిమిషాలు చొప్పున పెంచేశారు. ఉదయం తొలి పీరియడ్ ఐదు నిమిషాలు పెంచి 50 నిమిషాలు చేశారు. అలాగే మధ్యాహ్నం మూడు పీరియడ్లను.. ఐదు నిమిషాల చొప్పున పెంచి 45 నిమిషాలకు చేశారు.
