ఏపీలో భారీ వర్షాలు పడుతున్నాయి. ఇవాళ కూడా ఏపీలో ముఖ్యంగా నెల్లూరు జిల్లాలో వర్షాలు పడనున్నాయి. అయితే.. భారీ వర్షం కారణంగా సూళ్లూరుపేట నియోజకవర్గంలో ఈ రోజు జరగాల్సిన సీఎం వై యస్ జగన్ పర్యటన వాయిదా పడింది. ఈ మేరకు అధికారిక ప్రకటన చేసింది సీఎం క్యాంప్‌ కార్యాలయం. ఇది ఇలా ఉండగా… ఆంధ్ర ప్రదేశ్‌ రాష్ట్రంలోని పలు జిల్లాల్లో ఇవాళ వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ తెలిపింది.
కాకినాడ, కోనసీమ, పశ్చిమగోదావరి, ఏలూరు, కృష్ణ, ఎన్టీఆర్, గుంటూరు, బాపట్ల, పల్నాడు, ప్రకాశం, నెల్లూరు, వైయస్సార్ కడప, అన్నమయ్య, చిత్తూరు, తిరుపతి జిల్లాలోని కొన్ని ప్రాంతాల్లో తేలికపాటి నుంచి మోస్తారు వర్షాలు కురుస్తాయని పేర్కొంది. అటు తెలంగాణలోని పలు ప్రాంతాల్లో రాబోయే 3 రోజులు వర్షాలు పడతాయని హైదరాబాద్ వాతావరణ కేంద్రం వెల్లడించింది. బంగాళాఖాతంలో ఏర్పడిన ఉపరితల ఆవర్తనాల ప్రభావంతో ఇవాల్టి నుంచి తేలికపాటి నుంచి మోస్తారు వర్షాలు కురుస్తాయని తెలిపింది.
