ఆంధ్రప్రదేశ్ లో మరో దారుణం చోటుచేసుకుంది. విశాఖ గ్యాస్ లీకేజీ ఘటన దేశవ్యాప్తంగా సంచలనం సృష్టించిన సంగతి తెలిసిందే. ఈ ఘటనతో విశాఖ మొత్తం ఒక్కసారిగా ఉలిక్కిపడింది. నడుస్తున్న వారు నడుస్తూనే.. నిద్రపోతున్న వారు నిద్రలోనే కుప్పకూలిపోయారు. ఈ దృశ్యాలు చూసి కంటతడి పెట్టని కన్ను లేదు. అయితే ఈ తీవ్ర విషాదం నుంచి ఇంకా పూర్తిగా తేలుకోకముందే.. అలాంటి ఘటన చిత్తూరు లో చోటుచేసుకుంది. జిల్లాలోని పూతలపట్టు మండలం బండపల్లి సమీపంలోని హట్సన్ పాల డెయిరీ‌లో అమ్మోనియం గ్యాస్ లీకైంది.
12 persons lost consciousness after ammonia gas leaked at a milk dairy at Bandapalli in Putalapattu Mandal. They have been taken to hospital. All are safe & out of danger. The gas has been contained at the dairy: Putalapattu Sub Inspector, Chittoor District. #AndhraPradesh pic.twitter.com/41CTTdrDNc
— ANI (@ANI) August 20, 2020
ఈ ఘటనలో 13 మంది కార్మికులు అస్వస్థతకు గురైనట్టు అధికారులు జాబితాను ప్రకటించారు. వారిలో 12 మంది మహిళలే ఉన్నారు. దీంతో వారందరినీ చిత్తూరు ప్రభుత్వ ఆసుపత్రికి తరలించారు. ప్రస్తుతం వారంతా చిత్తూరులోని ప్రభుత్వ ఆసుపత్రిలో చికిత్స పొందుతున్నారు. అందులో ముగ్గురి పరిస్థితి విషమంగా ఉన్నట్టు తెలుస్తుంది. కాగా, ఈ ఘటనపై జిల్లా కలెక్టర్‌తో మంత్రి పెద్దిరెడ్డి రామచంద్రారెడ్డి మాట్లాడారు. అలాగే ప్రమాదానికి గల కారణాలపై విచారణకు అధికారులను ఆదేశించారు. అలాగే ఈ ఘటనపై మాజీ మంత్రి నారా లోకేశ్ దిగ్భ్రాంతి వ్యక్తం చేశారు.
