తిరుమల భక్తులకు శుభవార్త..ఇవాళ డిసెంబర్ దర్శన టికెట్లు విడుదల కానున్నాయి. తిరుమలలో ఇవాళ ఉదయం 10 గంటలకు ఆన్ లైన్ లో డిసెంబర్ నెలకు సంభందించిన అంగప్రదక్షణ టోకేన్లు విడుదల కానున్నాయి. ఈ మేరకు టీటీడీ పాలక మండలి అధికారిక ప్రకటన చేసింది. ఇవాళ 11 గంటలకు శ్రీవాణి ట్రస్ట్ టిక్కెట్లు విడుదల కానున్నాయి.
మధ్యాహ్నం 3 గంటలకు వయోవృద్ధులు ,వికలాంగుల దర్శన టిక్కెట్లు విడుదల చేయనుంది. రేపు ఉదయం 10 గంటలకు 300 రూపాయల ప్రత్యేక ప్రవేశ దర్శన టిక్కెట్లు విడుదల చెయ్యనుంది టీటీడీ పాలక మండలి. అటు రేపు మధ్యాహ్నం 3 గంటలకు వసతి గదులు కోటాను విడుదల చెయ్యనుంది టీటీడీ పాలక మండలి. కాగా తిరుమలలో తగ్గిన భక్తుల రద్దీ తగ్గింది. దీంతో వైకుంఠం క్యూ కాంప్లెక్స్‌లో వేచివుండే అవసరం లేకుండా నేరుగా శ్రీవారి దర్శనం జరుగుతోంది.
