నేడు బాపట్ల జిల్లా నిజాంపట్నంలో వైయస్సార్ మత్స్యకార భరోసా కార్యక్రమంలో పాల్గొన్నారు సీఎం వైఎస్ జగన్మోహన్ రెడ్డి. ఈ సందర్భంగా సీఎం మాట్లాడుతూ.. వేటకు వెళ్లిన మత్స్యకారులు ప్రమాదవశాత్తు చనిపోయిన వారి కుటుంబానికి సహాయంగా రూ. 10 లక్షలు ఇస్తున్నామని అన్నారు. ఇది మీ ప్రభుత్వం అని గుర్తుపెట్టుకోవాలని అన్నారు సీఎం. గత ప్రభుత్వానికి, ఈ ప్రభుత్వానికి తేడా తెలుసుకోవాలన్నారు. మత్స్యకారులకు డిజిల్ సబ్సిడీ లీటర్ కు రూ. 9 ఇస్తున్నట్లు వివరించారు.
గత ప్రభుత్వంలో మత్స్యకారులకు ప్రభుత్వం అరకొర సాయం అందించిందని.. మరో మూడు నెలల్లో ఎన్నికలు ఉన్నాయన్న సమయంలో చంద్రబాబు ₹4,000 ఇచ్చారని.. అది కూడా కొందరికి మాత్రమే అందిందన్నారు. తాను ప్రజలను నమ్ముకున్నానని.. చంద్రబాబు, దత్త పుత్రుడు పొత్తులు, కుట్రలు, కుయుక్తులు, మోసాలను నమ్ముకున్నారని మండిపడ్డారు. చంద్రబాబు పేరు చెబితే ఒక్క స్కీమ్ కూడా గుర్తుకు రాదన్నారు సీఎం జగన్.
