మాజీ మంత్రి ఆర్కే రోజాపై సంచలన వ్యాఖ్యలు చేశారు ఎమ్మెల్యే గాలి భాను ప్రకాష్. శనివారం రోజు తిరుపతిలో మహిళలు ఏర్పాటు చేసిన ఫోటో ఆర్ట్ గ్యాలరీని ప్రారంభించిన అనంతరం ఎమ్మెల్యే గాలి భాను ప్రకాష్ మాట్లాడుతూ.. రోజా ఓ పిచ్చిదని.. పిచ్చిదానికి పిచ్చి కూతలు తప్ప మరొకటి రాదని సంచలన వ్యాఖ్యలు చేశారు.
ఏం మాట్లాడుతుందో తెలియక రోజా వ్యాఖ్యలు చేస్తూ ఉంటుందని.. ఆమెకు ఆవుకు, గంగిరెద్దుకు కూడా తేడా తెలియదని అన్నారు. పెట్టుబడులను ఆకర్షించేందుకు ముఖ్యమంత్రి చంద్రబాబు నాయుడు బృందం దావోస్ కి వెళ్లిందని.. పెళ్లిళ్లకు, పేరంటాలకు, ఓట్ల కోసం దావోస్ వెళ్లలేదన్నారు. ఆంధ్రప్రదేశ్ అభివృద్ధికి కూటమి ప్రభుత్వం సమిష్టిగా కృషి చేస్తుందన్నారు భాను ప్రకాష్.
నగరిలో ఓ చిన్నారిపై వైసీపీ నాయకుడు అఘాయిత్యానికి పాల్పడ్డాడని.. ఫోక్సొ ఆక్ట్ కింద కేసు నమోదు చేశామని తెలిపారు. బాధిత కుటుంబానికి న్యాయం చేస్తామన్నారు ఎమ్మెల్యే భాను ప్రకాష్. అఘాయిత్యానికి పాల్పడిన వైసీపీ నాయకుడిపై చట్టపరమైన చర్యలు తీసుకుంటామన్నారు.
