కాణిపాకం, సత్యవేడుకు కొత్త బస్సు సర్వీసులు ప్రారంభించారు ఎమ్మెల్యే అరణి శ్రీనివాసులు. తిరుపతి నుంచి కాణిపాకం కు రెండు సూపర్ లగ్జరీ బస్సులు.. అలాగే సత్యవేడుకు పల్లె వెలుగు బస్సును ప్రారంభించారు ఎమ్మెల్యే శ్రీనివాసులు. ఈ సందర్భంగా ఎమ్మెల్యే ఆరణి శ్రీనివాసులు మాట్లాడారు. ముఖ్యంగా 110 బస్సులు తిరుపతి బస్ స్టేషన్ నుంచి వివిధ మార్గాల్లో ప్రయాణికులకు సేవలందిన్నాయని తెలిపారు.
ఇవాళ అదనంగా మూడు బస్సు సర్వీసులను ప్రారంభించామని తెలిపారు. గత ప్రభుత్వం రోడ్ల గుంతలను కూడా పూడ్చ లేదు. గుంతలు పూడ్చక పోవడంతో వాహనాలు దెబ్బతినడమే కాకుండా చాలా మంది చనిపోయారని తెలిపారు. సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ లు యుద్ధప్రాతిపదికన రోడ్డు మరమ్మత్తులు చేస్తున్నారు. ఎన్డీఎ కూటమి ప్రభుత్వాన్ని విమర్శించే అర్హత వైఎస్సార్ కాంగ్రెస్ పార్టీ నేతలకు లేదు. అభివృద్ధి, సంక్షేమం పై వైసీపీ నేతలు చర్చకు రావాలని కోరారు.
