ఆంధ్రప్రదేశ్ లో భారీ వర్షాలు కురివడంతో వరదలు ముంచెత్తాయి. ఈ భారీ వరదల కారణంగా నాలుగు బోట్లు ప్రకాశం బ్యారేజీని ఢీ కొట్టాయి. బోట్లు ఢీకొని మూడు గేట్ల వద్ద కౌంటర్ వెయిట్లు ధ్వంసం అయ్యాయి. ఈ ఘటనపై ఇప్పటికే టీడీపీ, వైసీపీ మధ్య మాటల యుద్ధం కొనసాగుతున్న విషయం తెలిసిందే. ఈ నేపథ్యంలో తాజాగా ప్రకాశం బ్యారేజీ వద్ద బోట్ల తొలగింపు ప్రక్రియను జలవనరుల శాఖ ప్రారంభించింది.
50 టన్నుల బరువు ఎత్తే కెపాసిటీ ఉన్న 2 క్రేయిన్లతో పనులను చేపట్టింది. ఈనెల 1వ తేదీన ఎగువ నుంచి కొట్టుకువచ్చిన 4 పడవలు 67, 68, 69 గేట్ల వద్ద చిక్కుకోగా.. అవి ఢీకొని బ్యారేజ్ కౌంటర్ వెయిట్లు ధ్వంసమైన సంగతి తెలిసిందే. ప్రస్తుతం 2,09,937 క్యూ సెక్కుల వరద దిగువకు ప్రవహిస్తుండగా.. 68, 69 గేట్లను క్లోజ్ చేసి పనులు జరిపిస్తున్నారు.
