ఏపీలోని రహదారులు రక్తమోడుతున్నాయి. మొన్నటికి మొన్న కృష్ణా జిల్లా హనుమాన్ జంక్షన్ వద్ద ఘోర రోడ్డు ప్రమాదం జరిగి కొంత మంది చనిపోగా ఈరోజు కూడా కృష్ణా జిల్లాలో మరో ఘోర రోడ్డు ప్రమాదం జరిగింది. కృష్ణాజిల్లా గరికపాడు దగ్గర ఘోర రోడ్డు ప్రమాదం జరిగింది. ఆగి ఉన్న లారీని కారు ఢీకొన్న ఘటనలో ముగ్గురు దుర్మరణం పాలయ్యారు.
ఇక ఇదే ఘటనలో మరో ఆరుగురికి తీవ్ర గాయాలయ్యాయి. కార్తీక మాసం కావడంతో వేములవాడ రాజన్న గుడికి వెళ్లి తిరిగి వస్తుండగా ఈ ప్రమాదం జరిగిందని చెబుతున్నారు. మృతులు అందరూ ఖమ్మం జిల్లా మధిరకు చెందిన వారిగా గుర్తించారు.మృతులు శ్యాం, శ్యామల, శారదలది అందరిదీ మధిరనే. ఇక గాయపడిన వారిని ఖమ్మం జిల్లా ఖమ్మం హాస్పిటల్ కి తరలించారు.
