పొత్తులపై కీలక వ్యాఖ్యలు చేశారు టీటీడీ చైర్మన్ వై.వి సుబ్బారెడ్డి. పొత్తులపై జనసేన అధినేత పవన్ కళ్యాణ్ ఎప్పుడు మాట్లాడినా ముగ్గురు కలిసి వస్తాం అంటున్నారని.. కానీ ఒక్కసారి కూడా ఈ ముగ్గురు ఎక్కడా కనిపించలేదని ఏద్దేవా చేశారు. ఈ ముగ్గురి పొత్తు గురించి బీజేపీ మాట్లాడాలని అన్నారు. ఇద్దరూ కలిసి వచ్చినా.. ముగ్గురు కలిసి వచ్చిన వైసీపీని ఏం చేయలేరని అన్నారు సుబ్బారెడ్డి.
ఇక అటు బిజెపి రాష్ట్ర అధ్యక్షురాలు పురందేశ్వరి పై మండిపడ్డారు. పార్టీ అధ్యక్షులుగా బాధ్యతలు చేపట్టారు కాబట్టి ఏదో ఒకటి మాట్లాడాలని ప్రభుత్వాన్ని పురందేశ్వరి విమర్శిస్తున్నారని అన్నారు. పురందేశ్వరికి వైసీపీ ప్రభుత్వం చేస్తున్న సంక్షేమ పథకాలు కనిపించడం లేదా అని ప్రశ్నించారు. ఎంతమంది కలిసి వచ్చినా వైసీపీ ప్రభుత్వానికి తిరుగు లేదని.. తాము చేస్తున్న అభివృద్ధి పథకాలే తమ గెలుపుకు దోహదపడతాయని అన్నారు.
