సెల్ఫీ తీసుకుంటూ కాలుజారి సముద్రంలో యువతులు కొట్టుకుపోయారు. ఈ సంఘటన అనకాపల్లి జిల్లాలో చోటు చేసుకుంది. ఈ సంఘటన వివరాలు ఇలా ఉన్నాయి. అనకాపల్లి జిల్లా అచ్యుతాపురం మండలం తంతడి బీచ్ లో ముగ్గురు యువతులు గల్లంతైన ఘటనలో ఇద్దరు యువతులు మృతి చెందగా.ఒకరి పరిస్థితి విషమంగా ఉంది.
వీకెండ్ కావడంతో సరదాగా బీచ్ వద్దకు వెళ్లినవారికి ఈ ఘటన జరగడంతో కుటుంబ సభ్యులలో తీవ్ర దుఃఖానికి లోనయ్యారు. బీచ్ లో వారు సరదాగా సెల్ఫీ తీస్తుండగా కాలు జారిపడి సముద్రంలో గల్లంతు అయ్యారు. అయితే ఆ సమయంలో అక్కడే ఉన్న మత్స్యకారులు కాపాడడానికి ప్రయత్నం చేసినప్పటికే ఇద్దరు యువతులు మృతి చెందారు. మృతిచెందిన ఇద్దరు యువతులు మాకవరపాలెం మండలం శెట్టిపాలెం గ్రామానికి చెందిన నూక రత్నం, కనకదుర్గ అక్కా చెల్లెలుగా గుర్తించారు.
