తెలంగాణలో మొయినాబాద్ ఫామ్ హౌస్ లో టిఆర్ఎస్ ఎమ్మెల్యేల కొనుగోలు కేసులో మరో కీలక పరిణామం చోటు చేసుకుంది. ఈ కేసులో రోజురోజుకు కీలక పరిణామాలు చోటు చేసుకుంటున్నాయి. తాజాగా ఈ కేసుకు సంబంధించి హైకోర్టు సంచలన వ్యాఖ్యలు చేసింది. హైకోర్టులో గురువారం ఎమ్మెల్యేల కొనుగోలు కేసు పై విచారణ జరిగింది. ఈ సందర్భంగా సీఎం కేసీఆర్ ఇచ్చిన ఎవిడెన్స్ ని పరిగణలోకి తీసుకుంటామని హైకోర్టు స్పష్టం చేసింది.
సీఎం ఇచ్చిన ఎవిడెన్స్ ను చూసి తదుపరి విచారణ చేపడతామని తెలిపింది. తదుపరి విచారణను రేపటికి వాయిదా వేసింది హైకోర్టు. ఇప్పటికే ఈ కేసుకు సంబంధించిన పెన్ డ్రైవ్ లు, సిడీలు సీఎం కేసీఆర్ కోర్టుకి పంపించారు. ముఖ్యమంత్రి ఇచ్చిన ఎవిడెన్స్ ఆధారంగా రేపు హైకోర్టు ఎలాంటి నిర్ణయం తీసుకోనుందో నని అందరిలో ఆసక్తి నెలకొంది.
