అవార్డులు అందుకున్న క్రీడాకారులను అభినందనలు తెలిపిన ఏపీ సీఎం..!

దేశ ప్రతిష్టను పెంచిన నలుగురు క్రీడాకారులను మేజర్ ధ్యాన్ చంద్ ఖేల్ రత్న అవార్డుకు ఎంపిక చేయడం హర్షణీయం అని ఏపీ సీఎం చంద్రబాబు అన్నారు. ఎయిర్ గన్ షూటింగ్ లో ఒలింపిక్స్ పతక విజేత మను భాకర్, భారతీయ గ్రాండ్ మాస్టర్, ప్రపంచ చెస్ ఛాంపియన్ గుకేష్ లకు అభినందనలు తెలిపారు. అలాగే హాకీలో ఒలింపిక్ పతక విజేత టీమ్ సభ్యుడు హాకీ క్రీడాకారుడు హర్మన్ ప్రీత్ సింగ్, పారా అథ్లెటిక్స్ లో ఒలింపిక్ పతక విజేత ప్రవీణ్ కుమార్ లను ఈ సందర్భంగా అభినందిస్తున్నాను.

ఇక చదరంగంలో బాల్యం నుంచే ప్రతిభ కనబరుస్తూ, చిన్న వయసులో గ్రాండ్ మాస్టర్ అయిన గుకేష్ 2024 చెస్ టోర్నమెంట్ లో విశ్వ విజేతగా నిలిచిన విషయం మనకు తెలిసిందే. ప్రతిష్టాత్మక ఖేల్ రత్న అవార్డును అందుకుంటున్న గుకేష్, తన ప్రతిభతో మరింతగా రాణించాలని కోరుకుంటున్నాను. అలాగే అర్జున అవార్డ్ గ్రహీతలు విశాఖకు చెందిన అథ్లెట్ జ్యోతి యర్రాజీ, వరంగల్ కు చెందిన పారా అథ్లెట్ జీవాంజి దీప్తికి అభినందనలు తెలుపుతున్నాను అని పేర్కొన్నారు సీఎం.