కేంద్ర ఎన్నికల సంఘం మూడు ఈశాన్య రాష్ట్రాలకు ఎన్నికల షెడ్యూల్ ని ప్రకటించింది. త్రిపుర, నాగాలాండ్, మేఘాలయ అసెంబ్లీ ఎన్నికల షెడ్యూల్ ని ఈసీ ప్రకటించింది. ఈ మూడు రాష్ట్రాల ప్రస్తుత శాసనసభల పదవీకాలం మార్చితో ముగియనుంది. ఇటీవల కేంద్ర ఎన్నికల ప్రధాన అధికారి రాజీవ్ కుమార్ నేతృత్వంలోని ఏసీ బృందం ఈ మూడు రాష్ట్రాలలో పర్యటించి ఎన్నికలపై రాజకీయ పార్టీలు, స్థానిక యంత్రాంగం, పోలీసు సిబ్బంది అభిప్రాయాలు తీసుకుంది.
ఈ నేపథ్యంలో తాజాగా అసెంబ్లీ ఎన్నికల షెడ్యూల్ ని ప్రకటించింది. త్రిపురలో ఫిబ్రవరి 16న పోలింగ్ జరగనుంది. నాగాలాండ్, మేఘాలయ లో ఫిబ్రవరి 27న పోలింగ్ నిర్వహించనున్నారు. మార్చి 2న మూడు రాష్ట్రాల ఎన్నికల ఫలితాలు వెలువడనున్నాయి.
