రాష్ట్రంలోని గురుకులాల్లో విద్యార్థులు తీవ్ర ఇబ్బందులను ఎదుర్కొంటున్నారు. ఫుడ్ స‌రిగా లేకపోవడంతో ఫుడ్ పాయిజ‌న్ బారిన ప‌డుతున్నారు. తాజాగా గురుకులంలో తనిఖీ కోసం వెళ్లిన అడిషనల్ కలెక్టర్ దీప‌క్ తివారీ ఖంగుతున్నారు. ఆసిఫాబాద్ జిల్లా కౌటాల మండలంలోని మొగడ్ ధగడ్ ఆశ్రమ పాఠశాలలో
వంట మనిషి లేకపోవడంతో రోజువారీ కూలీలతో వంట చేయిస్తున్నట్లు తెలుస్తోంది.
స్టోర్ రూంలో కుళ్లి బూజు పట్టిన ఆలుగడ్డలు, ఐఎస్ఐ మార్క్ లేని ఉప్పు ప్యాకెట్లు దర్శనమిచ్చాయి.
మెనూ ప్రకారం పప్పు చేయాల్సి ఉండగా నీళ్ల సాంబార్ను వంట కూలీలు వండారు.
అడిషనల్ కలెక్టర్ వస్తున్నాడని కొన్ని గుడ్లు ఉడికించగా అవి కుళ్లిపోయిన పరిస్థితి.
పిల్లలకు ఇప్పటివరకు యూనిఫాంలు ఇవ్వలేదు.. చలికాలం ప్రారంభమైనా ఇప్పటికీ బ్లాంకెట్లు అందలేదు.దీంతో గురుకులం తనిఖీలో విస్తూ పోయే నిజాలు చూసి అడిషనల్ కలెక్టర్ షాక్ అయ్యారు. విచార‌ణ‌కు ఆదేశించిన‌ట్లు స‌మాచారం.
