టాలీవుడ్ మెగాస్టార్ చిరంజీవి నటించిన సూపర్ హిట్ చిత్రం ‘ఇంద్ర’. ఈ సినిమా ఎంతటి ఘన విజయం సాధించిందో అందరికీ తెలుసు. చిన్నికృష్ణ ఈ చిత్రానికి కథ అందించగా, పరుచూరి బ్రదర్స్ డైలాగ్స్ అందించారు. యాక్షన్ డైరెక్టర్ బి.గోపాల్ దర్శకత్వం వహించారు. కాగా, తొలుత ఈ పిక్చర్ కు తాను దర్శకత్వం వహించబోనని దర్శకుడు బి.గోపాల్ పారిపోయారట. అలా జరగడం వెనుకున్న ఇంట్రెస్టింగ్ స్టోరి ఇప్పుడు తెలుసుకుందాం.
ఫ్యాక్షన్ ప్లస్ యాక్షన్ రాయలసీమ బ్యాక్ డ్రాప్‌లో అప్పటికే బాలకృష్ణ ‘సమరసింహారెడ్డి’, ‘నరసింహానాయుడు’ చిత్రాలు వచ్చి ఘన విజయం సాధించాయి. ఆ చిత్రాలకు బి.గోపాల్ దర్శకత్వం వహించారు. అవి బిగ్గెస్ట్ హిట్స్ గా నిలిచాయి. ఈ నేపథ్యంలో మళ్లీ అటువంటి బ్యాక్ డ్రాప్ ఉన్న స్టోరిని తాను చిరంజీవితో చేస్తే విజయం సాధించొచ్చా? అనే అనుమానంతో బి.గోపాల్ భయపడ్డారట.
ఆ సందర్భంలో రచయిత పరుచూరి గోపాలకృష్ణ..బి.గోపాల్ ను ఒప్పించేందుకు ప్రయత్నించారు. కానీ, ఆయన ఒప్పుకోలేదు. ఆ టైమ్ లో చిరంజీవి..బి.గోపాల్, చిన్ని కృష్ణను తీసుకుని తన వద్దకు రావాలని చెప్పారట.
స్టోరి విన్న తర్వాత చిరంజీవి..అక్కడికే బి.గోపాల్ ను పిలిపించుకుని సినిమా చేయాలని చెప్పడంతో చివరకు బి.గోపాల్ ఒప్పుకున్నారు. అలా ఆ సినిమాకు ఆయన దర్శకత్వం వహించగా, అది ఎంతటి ఘన విజయం సాధించిందో అందరికీ తెలుసు. మెగాస్టార్ చిరంజీవి ఇమేజ్ ను ప్రజల మనసుల్లో సుస్థిరం చేసిన పిక్చర్ గా ‘ఇంద్ర’ నిలిచిపోయింది.
