భగత్ సింగ్.. తను 13 ఏళ్ల వయసులో ఉన్నప్పుడు మహాత్మాగాంధీ సహాయ నిరాకరణోద్యమం జరిగింది. అది ఆయనపై తీవ్ర ప్రభావం చూపింది. అలా స్వాతంత్ర్య పోరాటంలో తను కూడా భాగస్వామ్యం అయ్యారు.
23 ఏళ్ల వయసులో… నడి యవ్వనంలో దేశ స్వాతంత్ర్యం కోసం తన ప్రాణాలను అర్పించారు భగత్ సింగ్. ఆయనతో పాటు ఆయన స్నేహితులు రాజ్ గురు, సుఖ్ దేవ్ ను కూడా ఉరి తీశారు. ముగ్గురు స్నేహితులు ఒకేసారి దేశం కోసం తమ ప్రాణాలను త్యాగం చేశారు. అందుకే… భారతదేశ చరిత్రలో ఆరోజు మరవలేనిది. మరుపురానిది. అదే మార్చి 23, 1931.
ఆరోజు రాత్రి 7.30 కు విప్లవ యోధులు భగత్ సింగ్, రాజ్ గురు, సుఖ్ దేవ్ లను బ్రిటీష్ ప్రభుత్వం ఉరి తీసింది. కాసేపట్లో ఉరికంభం ఎక్కబోతున్నా భగత్ సింగ్ ముఖంతో కాసింత కూడా భయం, ఆందోళన లేదు. మొక్కవోని ధైర్యంతో ఉరి కొయ్య ముందు నిలుచుకున్నారు ముగ్గురు స్నేహితులు. దేశం కోసం తమ ప్రాణాలు అర్పించడానికి ఎప్పుడో సిద్దమయ్యామని వాళ్లు నినదించారు. వాళ్ల తెగువ, సాహసమే నేటి తరాలకూ చేరింది.
భగత్ సింగ్… 1907, సెప్టెంబర్ 23న ఇప్పటి పాకిస్థాన్ లోని పంజాబ్ ప్రాంతంలో ఉన్న ఖత్కర్ కలాన్ అనే గ్రామంలో జన్మించారు. ఆయన తల్లిదండ్రులు కిషన్ సింగ్, విద్యావతి. భగత్ సింగ్ పై తన తాత ప్రభావం ఎక్కువ ఉండేది. భగత్ సింగ్ తాత హిందూ సంస్కరణ ఉద్యమంలో పాల్గొన్నారు. దయానంద సరస్వతికి అనుచరుడు.
భగత్ సింగ్.. తను 13 ఏళ్ల వయసులో ఉన్నప్పుడు మహాత్మాగాంధీ సహాయ నిరాకరణోద్యమం జరిగింది. అది ఆయనపై తీవ్ర ప్రభావం చూపింది. అలా స్వాతంత్ర్య పోరాటంలో తను కూడా భాగస్వామ్యం అయ్యారు.
అయితే.. గాంధీజీది అహింసా ఉద్యమం. భగత్ సింగ్ మాత్రం హింసతో కూడా బ్రిటీష్ వారిని పారదోలొచ్చు.. అన్న ఆశయంతో ఉండేవారు.
1919లో జరిగిన జలియన్ వాలా బాగ్ ఉదంతం భగత్ సింగ్ శరీరంలోని రక్తాన్ని మరిగించింది. బ్రిటీష్ ప్రభుత్వంపై విపరీతమైన కోపం వచ్చింది. కట్టలు తెంచుకుంది.
భగత్ సింగ్ కు యుక్త వయసు రాగానే.. పెళ్లి చేయాలని తన తల్లిదండ్రులు భావించినప్పటికీ.. తనకు పెళ్లి చేసుకోవడం ఇష్టం లేదని.. తన జీవితం దేశానికే అంకితం అని లేఖ రాసి ఇంటి నుంచి బయటికి వచ్చేశారు భగత్. ఆ తర్వాత నవజవాన్ భారత సభ అనే సంఘంలో చేరారు.
ఆ సంఘం ద్వారా స్వాతంత్ర్య ఉద్యమ సాధనకు నడుం బిగించారు. ఇతర యువకులను సంఘంలో చేర్చుకొని ఉద్యమంలో చురుకుగా పాల్గొన్నారు. ఆ తర్వాత హిందూస్తాన్ గణతంత్ర సంఘంలో చేరారు. అక్కడే భగత్ కు సుఖ్ దేవ్ పరిచయమయ్యారు. ఆ సంఘానికి వాళ్లిద్దరు నాయకులయ్యారు.
వీళ్లిద్దరు కలిసి బ్రిటీష్ ప్రభుత్వంపై హింసాత్మక ఉద్యమాన్ని ప్రారంభించారు. అదే సమయంలో సైమన్ కమిషన్ కు వ్యతిరేకంగా దేశమంతటా సైమన్ గో బ్యాక్ ఉద్యమం ప్రారంభం అయింది.
లాలా లజపతి రాయ్.. బ్రటీష్ సాయుధ బలగాలకు ఎదురొడ్డి పోరాడటంతో… సూపరింటెండెంట్ గా ఉన్న సాండర్స్ లాలాలజపతిరాయ్ తల పగులగొట్టాడు.. తీవ్రంగా గాయపరిచాడు. దీంతో లాలాలజపతిరాయ్ మరణించారు.
లాలా మరణాన్ని జీర్ణించుకోలేని భగత్ సింగ్, సుఖ్ దేవ్, రాజ్ గురులు… సాండర్స్ పై విరుచుకుపడ్డారు. సాండర్స్ ను కసితీరా కాల్చి చంపారు. సాండర్స్ హత్యకు కారణమైన వారిని ఉరితీయాలని బ్రిటీష్ ప్రభుత్వం నిర్ణయించింది.
ఆ తర్వాత 1929లో బాంబు దాడి చేశారు. అసెంబ్లీపై బాంబుల వర్షం కురిపించారు వీళ్లు. ఈ ఘటనలో ఎవ్వరూ గాయపడనప్పటికీ… ముగ్గురూ బ్రిటీష్ ప్రభుత్వం ముందు లొంగిపోయారు. ముగ్గురిని దేశ బహిష్కరణ చేశారు. ఆ తర్వాత వాళ్లపై సాండర్స్ హత్యానేరం మోపి.. ముగ్గురిని ఉరి తీశారు. అలా 23 ఏళ్లకే భగత్ సింగ్ .. దేశం కోసం ప్రాణాలు అర్పించి అమరుడయ్యారు.
