సాధారణంగా కండరాలు పెరగాలంటే ప్రోటీన్ ఫుడ్ తినాలి, జిమ్లో వర్కౌట్స్ చేయాలని మనందరికీ తెలుసు. కానీ, మన కడుపులో (పేగుల్లో) ఉండే కొన్ని సూక్ష్మజీవులు కూడా మన కండరాల బలాన్ని నిర్ణయిస్తాయని మీకు తెలుసా? ఇటీవల జరిగిన పరిశోధనల్లో మన జీర్ణ వ్యవస్థలో ఉండే ‘మంచి బ్యాక్టీరియా’ కండరాల శక్తిని పెంచడంలో కీలక పాత్ర పోషిస్తుందని తేలింది. దీనినే సైంటిస్టులు “గట్-మసిల్ యాక్సిస్” అని పిలుస్తున్నారు. ఆ విశేషాలు ఇప్పుడు చూద్దాం.
గట్-మసిల్ యాక్సిస్ అంటే ఏంటి?: మన జీర్ణవ్యవస్థకు మరియు కండరాలకు మధ్య ఒక విడదీయలేని సంబంధం ఉంటుంది. దీనినే ‘గట్-మసిల్ యాక్సిస్’ అంటారు. అంటే మన పేగులు ఎంత ఆరోగ్యంగా ఉంటే, మన కండరాల పరిమాణం మరియు పనితీరు అంత బాగుంటుంది. ఇక మనం తీసుకునే ఆహారం కేవలం జీర్ణం అవ్వడమే కాకుండా, కండరాలు బలంగా తయారవ్వడానికి అవసరమైన సంకేతాలను ఈ మంచి బ్యాక్టీరియా పంపుతుంది.
రోసిబ్యూరియా: ఒక నేచురల్ బూస్టర్: ‘గట్’ అనే జర్నల్లో వచ్చిన కథనం ప్రకారం.. ‘రోసిబ్యూరియా ఇనులినివోరాన్స్’ అనే ఒక ప్రత్యేకమైన బ్యాక్టీరియా మన శరీరంలో సహజమైన బూస్టర్లా పనిచేస్తుంది. వృద్ధుల్లో ఈ బ్యాక్టీరియా ఎక్కువగా ఉన్నవారికి చేతి పట్టు బలం 30 శాతం ఎక్కువగా ఉన్నట్లు గుర్తించారు. అలాగే ఇక యువతలో కూడా స్టామినా పెరగడానికి ఇది బాగా సహాయపడుతుంది. ఇది మన కండరాలకు అవసరమైన ఇంధనాన్ని అందించే పద్ధతిని మెరుగుపరుస్తుంది.
కండరాలకి ఇంధనం: ఈ మంచి బ్యాక్టీరియా మన శరీరంలోని అమినో ఆమ్లాల వినియోగాన్ని మార్చుతుంది. దీనివల్ల కండర కణాలు అధిక శక్తిని ఉత్పత్తి చేసుకునేలా యాక్టివేట్ అవుతాయి. మీరు తక్కువ వ్యాయామం చేసినా, మీ పేగుల్లో ఈ రోసిబ్యూరియా వంటి బ్యాక్టీరియా పుష్కలంగా ఉంటే మీరు సహజంగానే బలంగా ఉండే అవకాశం ఉందని శాస్త్రవేత్తలు చెబుతున్నారు. ఇక అంటే మన బలం కేవలం ఎత్తే బరువులపైనే కాదు, లోపల ఉన్న బ్యాక్టీరియాపై కూడా ఆధారపడి ఉందన్నమాట.
పేగుల ఆరోగ్యం కోసం ఏం చేయాలి?: మన కండరాలు స్ట్రాంగ్గా ఉండాలంటే పేగుల్లో మంచి బ్యాక్టీరియాను పెంచుకోవాలి. దీని కోసం పీచు పదార్థం (Fiber) ఎక్కువగా ఉండే ఆహారం తీసుకోవాలి. అలాగే పెరుగు వంటి ప్రోబయోటిక్ ఆహారాలను డైట్లో చేర్చుకోవాలి. ఇక క్రమం తప్పకుండా వ్యాయామం చేయడం వల్ల కూడా ఈ సూక్ష్మజీవుల సంఖ్య పెరుగుతుంది. కేవలం ప్రోటీన్ షేక్స్ తాగడమే కాకుండా పేగుల ఆరోగ్యంపై దృష్టి పెడితే మంచి ఫలితాలు ఉంటాయి.
బాడీ బిల్డింగ్ అంటే కేవలం కండలు పెంచడం మాత్రమే కాదు, లోపల ఉన్న జీర్ణ వ్యవస్థను కూడా కాపాడుకోవడం. మీ గట్ హెల్త్ బాగుంటే, మీ కండరాల శక్తి ఆటోమేటిక్గా పెరుగుతుంది. కాబట్టి నేటి నుండే మంచి ఆహారం తీసుకుంటూ మీ శరీరంలోని ఈ ‘సూపర్ పవర్’ని యాక్టివేట్ చేయండి.
గమనిక: ఈ సమాచారం పరిశోధనల ఆధారంగా అందించబడింది. మీరు ఏదైనా కొత్త డైట్ లేదా సప్లిమెంట్స్ తీసుకోవాలనుకుంటే ముందుగా మీ డాక్టరును లేదా న్యూట్రిషనిస్ట్ను సంప్రదించడం మంచిది.
 ఉండే){kind=link}