లడఖ్‌లోని లైన్ ఆఫ్ యాక్చువల్ కంట్రోల్ (ఎల్‌ఐసి) వద్ద భారతీయ, చైనా దళాల మధ్య సరిహద్దు ఉద్రిక్తతల మధ్య సెప్టెంబర్ 8 న చైనా దళాలు మరోసారి భారత భూభాగంలోకి చొరబడటానికి ప్రయత్నించాయి. పంగోంగ్ సరస్సు యొక్క పశ్చిమ తీరంలో రెండు మోటర్ బోట్లను చైనా దళాలు భారత భూభాగంలోకి చొరబడటానికి ఉపయోగించాయని ఆర్మీ అధికారులు పేర్కొన్నారు.
అయితే భారత ఆర్మీ అప్పటికే అక్కడ మొహరించి ఉండటంతో చైనా ప్రయత్నాలు ఫెయిల్ అయ్యాయి అని ఆర్మీ అధికారులు వివరించారు. ఆర్మీ వర్గాల సమాచారం ప్రకారం, చైనా సైనికులను… తూర్పు లడఖ్‌లోని ఫింగర్ 4 ను రెండు మోటర్ బోట్లలో మంగళవారం సాయంత్రం 5 గంటలకు తరలించడానికి ప్రయత్నించారు. ఈ పడవల్లో సుమారు 40 మంది చైనా సైనికులు ఉన్నారు. ముఖ్యంగా, ఫింగర్ 4 ను మే నుండి చైనా దళాలు ఆక్రమించిన సంగతి తెలిసిందే.
