రాత్రి 10 గంటల తర్వాత మ్యూజిక్ హోరుతో సౌండ్ పొల్యూషన్ సృష్టించే పబ్లపై కేసు నమోదు చేసి చర్యలు తీసుకోవాలని గతంలో పోలీసులను హైకోర్టు ఆదేశించింది. పబ్ల నిర్వహణలో నిబంధనలు, కోర్టు ఇచ్చిన ఆదేశాలను కఠినంగా అమలు చేయాలని సూచించింది.నివాస ప్రాంతాల్లోని పబ్లు సంగీత హోరుతో శబ్ద కాలుష్యం సృష్టిస్తున్నా పోలీసులు పట్టించుకోవట్లేదని.. అక్కడకు వచ్చే వారు వాహనాలను ఇళ్ల ముందే నిలుపుతున్నా చూసీచూడనట్లు వ్యవహరిస్తున్నారని దాఖలైన పిటిషన్లపై విచారణ సందర్భంగా హైకోర్టు ఈ మేరకు ఆదేశాలిచ్చింది.
ఈ క్రమంలోనే హైదరాబాద్ జూబ్లీహిల్స్ పోలీస్ స్టేషన్ పరిధిలోని పలు పబ్బులపై పోలీసులు కేసు నమోదు చేశారు. హైకోర్టు ఆదేశాలను ఉల్లంఘిస్తూ.. రాత్రి 10 దాటిన తర్వాత శబ్ద కాలుష్యం సృష్టించినందుకు చర్యలు తీసుకున్నారు. జూబ్లీహిల్స్లోని అమ్నీషియా, ఇన్సోమ్నియా పబ్ యజమానులు రాజా శ్రీకర్, కునాల్ కుక్రేజా, మేంజర్ యూనిస్లపై కేసు నమోదు చేసినట్లు పోలీసులు తెలిపారు..
